USD 3.3252
EUR 3.9976
RUB 4.4557
თბილისი
ყველაფერი 2021 წლის ოსკარის ცერემონიის შესახებ
თარიღი : 01.20.2021 23:30  200

სულ რაღაც შვიდი თვე გავიდა 2020 წლის ოსკარის გადაცემის ცერემონიიდან, სადაც პრიზი საუკეთესო ფილმისათვის სამხრეთკორეელმა რეჟისორმა ბონგ ჯუნ ჰომ დაიმსახურა ფილმისათვის „პარაზიტი, მაგრამ დროის ამ ხანმოკლე პერიოდის მიუხედავად სამყაროში ბევრი რამ შეიცვალა...

ტრადიციული საოსკარო ცერემონია გადაჭედილი დარბაზითა და სხვა ხალხმრავალი ივენთებით დღეს უკვე წარსულის გადმონაშთად გვეჩვენება, ისეთივე დრომოჭმულად , როგორც, მაგალითად, ფილმის კასტინგში მხოლოდ თეთრკანიანთა მონაწილეობა.

გასული წლის 8 სექტემბერს აკადემიამ გაავრცელა განცხადება, რომ 2024 წლიდან ძალაში შედის ახალი რეგულაციები, რომლებიც ეკრანსა და ეკრანს მიღმა „ნაკლებად წარმოდგენილი ჯგუფებისა“ და ეთნიკური და რასობრივი უმცირესობების წარმომადგენლების სავალდებულო მონაწილეობას შეეხება. ნაკლებად წარმოდგენილ ჯგუფებში აკადემია ქალებს, ფერადკანიანებს, სექსუალური უმცირესობის წარმომადგენლებსა და ინკლუზიურ პირებს მოიაზრებს.

ახალი კრიტერიუმის მიხედვით საკონკურსო ფილმების მთავარ ან მეორე ხარისხის როლებიდან ერთ-ერთზე აუცილებლად უნდა იყოს წარმოდგენილი აზიური, აფრო ან ლათინოამერიკული წარმოშობის მსახიობი. ეს არ არის ერთადერთი ახალი სტანდარტი. ამოქმედდება ოთხი ახალი კრიტერიუმი: პირველით განისაზღვრება სამსახიობო შემადგენლობა და ფილმის შინაარსი, მეორე სტანდარტი შეეხება გადამღებ ჯგუფს, მესამე კინოსტუდიებს, მეოთხე კი დაარეგულირებს ფილმების დისტრიბუციას.

სტანდარტების ძალაში შესვლიდან ანუ 2024 წლიდან „ოსკარის“ ნომინანტებისათვის ოთხი ახალი კრიტერიუმიდან მინიმუმ ორის დაკმაყოფილება სავალდებულო გახდება. ეს ყველაფერი გველოდება მომავალში, მაგრამ სადღეისოდ აქტუალურია კითხვა, თუ როგორ ჩატარდება პოსტპანდემიურ ეპოქაში პირველი საოსკარო ცერემონია.

შევეცადეთ, თავი მოგვეყარა მიმდინარე მომენტისათვის ცნობილი ყველა ინფორმაციისათვის.

როდის გაიმართება დაჯილდოების ცერემონია

2021 წლის ოსკარის დაჯილდოების 93-ე ცერემონია, რომელიც 28 თებერვალს იყო ჩანიშნული, გადაიტანეს 25 აპრილს. შესაბამისად იცვლება საკონკურსო ფილმების შერჩევის პერიოდი. აქამდე საბოლოო ვადა 31 დეკემბერი იყო, დღეისათვის ეს თარიღი შეიცვალა 28 თებერვლით.

„საუკუნეზე მეტია, რაც კინო უმნიშვნელოვანეს როლს თამაშობს ჩვენს ცხოვრებაში: ნუგეშს გვცემს, შთაგვაგონებს და გვიმსუბუქებს ყოფას ყველაზე მძიმე მომენტშიც კი-განაცხადა აკადემიის პრეზიდენტმა დევიდ რუბინმა და გენერალურმა დირექტორმა დონ ჰადსონმა.

ჩვენ გავახანგრძლივეთ სელექციის პერიოდი და გადავავადეთ დაჯილდოების ცერემონიის თარიღი, რათა ავტორებს მივცეთ შესაძლებლობა მშვიდად დაასრულონ თავიანთი ნამუშევრები.“

როდის დაასახელებენ 2021 წლის „ოსკარის“ ნომინანტებს

ნომინანტები უნდა დასახელდეს 21 მარტს. ახალი კალენდარის მიხედვით წინასწარი კენჭისყრა გაიმართება 1-5 თებერვალს. ამის შემდეგ- 9 თებერვალს გამოცხადდება „შორტ-ლისტი“, ხოლო ნომინაციების მიხედვით ხმის მიცემა გაიმართება 5-10 მარტს. ყოველწლიური საზეიმო სადილი ნომინანტთა მონაწილეობით შედგება 15 აპრილს, ხოლო ფინალური ხმის მიცემის პროცედურა კი15-20 აპრილს.

რომელ ფილმებს წარადგენენ ოსკარზე

თუმცა შერჩევის გახანგრძლივებული პერიოდი მიგვანიშნებს, რომ ფილმების მეტ რაოდენობას (მათ შორის ბლოკბასტერებს, რომელთა პრემიერაც თავდაპირველად იგეგმებოდა 2020-ის გაზაფხულისა და ზაფხულისათვის და გადაიდო 2021-ის დასაწყისისათვის) ეძლევა საოცნებო ქანდაკების მოპოვების შანსი, მაგრამ, მიუხედავად ამისა, ბევრი რამ დამოკიდებულია იმაზე, რამდენად დიდხანს გასტანს პანდემია და აგრეთვე იმაზე, გაიხსნება თუ არა კინოთეატრები აშშ-სა და მსოფლიოს სხვა ქვეყნებში უახლოეს მომავალში.

კრისტოფერ ნოლანის „პრინციპი“ (TENET) უკანასკნელი თვეების ყველაზე შემოსავლიანი სურათია. მიუხედავად არაერთგვაროვანი კრიტიკისა მაყურებლისა და კინოკრიტიკოსთამხრიდან, საერთაშორისო კინოგაქირავებაში მისმა შემოსავალმა უკვე მიაღწია 150 მილიარდი დოლარის ნიშნულს. თუკი ის გახდება წლის ყველაზე „საკასო“ ფილმი და ამით სასიცოცხლო იმპულს მისცემს გამოკეტილ კინოთეატრებს, ეს ფილმს დამატებით უპირატესობად ჩაეთვლება ოსკარისათვის მარათონში. თუმცა სალარო შემოსავალი ყველაფერი არ არის. 2020 წლის აპრილში კინოააკადემიამ განაცხადა, რომ 2021-ში კონკურსში მონაწილეობისათვის იმ ფილმებსაც დართავს ნებას, რომლებიც არ გამოსულან დიდ ეკრანზე.

ასე, რომ კონკურსში ტრადიციულ ფილმებთან ერთად ნაჩვენები იქნება „ნეტფლიქსის“ ფილმები: მაგალითად, სპაიკ ლის (Da 5 Bloods). საკონკურსო მარათონში ჩაერთვება ამ პლატფორმის სხვა კინოპროდუქცია: დევიდ ფინჩერის „მანკი“ (Mank), აარონ სორკინის „ჩიკაგოს შვიდეულის საქმე“ (The Trial of the Chicago 7) და რონ ჰოვარდის „ჰილბილის ელეგია“ (Hillbilly Elegy), რომლებიც ციფრულად ხელმისაწვდომი იქნება უახლოეს თვეებში.

ოსკარისათვის ბრძოლაში კონკურენტები იქნებიან უეს ანდერსონის „ფრანგული მაცნე“ (The French Dispatch), სტივენ სპილბერგის „ვესტაიდური ისტორია“(West Side Story) ცნობილი მიუზიკლის რიმეიქი და დენი ვილნევის „Dune“ იმ პირობით, რომ მათი საპრემიერო ჩვენებები აღარ გადაიდება.

სად გაიმართება დაჯილდოება

წესისამებრ ოსკარების დაჯილდოების ცერემონიალი შედგება ჰოლივუდში, დოლბის კინოთეატრში.

როგორ წარიმართება ოსკარის გადაცემის ცერემონია

ოსკარი 2021 ტრანსლირებული იქნებ პირდაპირი ეთერით აშშ-სა და მსოფლიოს 225-ზე მეტ ქვეყანაში ტელეკომპანია ABC-ის მიერ. მისი პრეზიდენტის- კერი ბერკის განცხადებით, თუკი სააპრილოდ კვლავაც ძალაში დარჩა სოციალური დისტანციის დაცვის მოთხოვნა, მსოფლიო იხილავს კიდევ ერთით მეტ ვირტუალურ სანახაობას.

როგორიც არ უნდა იყოს ეპიდვითარება, ნებისმიერ შეთხვევაში აკადემია შეეცდება გამოიჩინოს სიფრთხილე და თავი შეიკავოს ხალხმრავალი ივენთებისაგან.

იქნება თუ არა წითელი ხალიჩა

პანდემიის დასაწყისში გალა კონცერტები, პრემიერები და კინოფესტივალები სასწრაფო წესით გადაიდო და ბევრმა ის-ის იყო გადაწყვიტა, რომ „წითელი ხალიჩის ბილიკს“, როგორც ფორმატს, ყავლი გაუვიდა. მაგრამ ცოტა ხნის წინ MTV Video Music Awards და ვენეციის კინოფესტივალმა დაამტკიცა, რომ „დეფილე წითელი ხალიჩაზე“ გრძელდება და ეს მოასწავებს, რომ საოსკარო მოდის აღლუმი ჩაივლის ისე, როგორც ყოველთვის, ოღონდ პირბადეებითა და სოციალური დისტანციის დაცვით

უცნობი ნაცნობი
გივი მარგველაშვილი - ქართველი გერმანულენოვანი მწერალი და ფილოსოფოსი

ქართველი გერმანულენოვანი მწერალი და ფილოსოფოსი გივი მარგველაშვილი ბერლინში დაიბადა. მისი ოჯახი საქართველოს გასაბჭოების შემდეგ გერმანიაში გადასახლდა.

გივი მარგველაშვილი 1946 წელს მამასთან ერთად მოტყუებით გადაიყვანეს ბერლინის საბჭოთა საოკუპაციო ზონაში, სადაც ისინი დააპატიმრეს და „გასაბჭოებულ“ საკონცენტრაციო ბანაკში მოათავსეს. მამა დახვრიტეს, ხოლო გივის საქართველოში ჩასვლის ნება დართეს. 40-ზე მეტი წლის შემდეგ მას მისცეს უფლება, კვლავ ჩასულიყო გერმანიის ფედერაციულ რესპუბლიკაში.

1991-1994 წლებში მწერალმა გერმანულ ენაზე გამოაქვეყნა ექვსი წიგნი: მრავალტომიანი რომანის, „კაპიტანი ვაკუშის“ 2 ტომი, „მუცალი“, „დიდი კორექტურა“; პროზაული კრებულები „გადაუგდებელი ხელთათმანი“ და „სიცოცხლე ონტოტექსტში“.გივი მარგველაშვილი გერმანიაში თანამედროვეობის ერთ-ერთ გამორჩეულ შემოქმედად აღიარეს. 1994 წელს მწერალს გერმანიის პრეზიდენტმა საპატიო მოქალაქეობა და სტიპენდია მიანიჭა. 2005 წელს გადაეცა გერმანიის უმაღლესი სახელმწიფო ჯილდო - ჯვრის ორდენი, ხოლო 2006 წელს მიენიჭა გერმანიის გოეთეს მედალი. იგი გერსვაილერის „ქალაქის მწერლად“ მიიწვიეს. ცნობილი ფილოსოფოსი ლექციებს კითხულობდა გერმანიისა და აშშ-ის უნივერსიტეტებში. მასზე გადაღებულია დოკუმენტური ფილმი გერმანიის საზოგადოებრივი მაუწყებელის მიერ.

გივი მარგველაშვილი ცნობილია, როგორც გერმანული ეგზისტენციალიზმის აღიარებული სპეციალისტი. აღსანიშნავია მისი წვლილი ქართული ფილოსოფიური აზროვნების განვითარებაში.

მწერალმა სიცოცხლის ბოლო წლები საქართველოში გაატარა. ბერლინიდან თბილისში 2011 წელს დაბრუნდა და 92 წლის ასაკში, 2020 წლის 13 მარტს გარდაიცვალა.

სრულად
გამოკითხვა
თქვენი აზრით, რამდენად ეფექტურია ხელისუფლება კორონავირუსის გამო შექმნილი ეპიდსიტუაციის მართვაში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.