,
თურქეთის საგარეო საქმეთა მინისტრმა, ჰაკან ფიდანმა განაცხადა, რომ ლაჩინის დერეფანი აზერბაიჯანის ტერიტორიაა და რომ ოფიციალურ ბაქოს შეუძლია თავის ტერიტორიასთან დაკავშირებით ნებისმიერი ზომის მიღება.
„ლაჩინის გზა აზერბაიჯანის ტერიტორიაა. ამიტომ აზერბაიჯანი იღებს ყველა ზომას, რასაც საჭიროდ ჩათვლის. [ზომების] მიღება არის მისი ერთ-ერთი უდიდესი სუვერენული უფლება“, - აღნიშნა თურქეთის საგარეო უწყების ხელმძღვანელმა.
ჰაკან ფიდანმა ხაზგასმით აღნიშნა, რომ უკიდურესად მნიშვნელოვანია, რომ აზერბაიჯანსა და სომხეთს შორის სამშვიდობო მოლაპარაკებები დასრულდეს.
მაშინ, როდესაც უკრაინაში კონფლიქტი ესკალაციის ახალ ფაზაში შევიდა, კვლავ გააქტიურდა დისკუსიები უკრაინის ტერიტორიაზე დასავლური ჯარებისა და კერძო თავდაცვითი კომპანიების გაგზავნის შესახებ, - წერს ფრანგული გაზეთი Le Monde-ი წყაროებზე დაყრდნობით.
„დიდ ბრიტანეთსა და საფრანგეთს შორის მიმდინარეობს დისკუსიები თავდაცვის სფეროში თანამშრომლობასთან დაკავშირებით, განსაკუთრებით ევროპაში მოკავშირეთა ძირითადი ჯგუფის შექმნის მიზნით, რომელიც ორიენტირებულია უკრაინასა და უფრო ფართო ევროპულ უსაფრთხოებაზე“, - განუცხადა Le Monde-ს ბრიტანულმა სამხედრო წყარომ.
ფრანგული გაზეთი აღნიშნავს, რომ უკრაინაში დასავლური ჯარების ან კერძო კომპანიების გაგზავნის შესახებ დისკუსიები 2023 წლის ბოლოდან შორ მანძილზე მოქმედი იარაღის მიწოდების გაზრდის ფონზე განახლდა.
წყაროების განცხადებით, უკრაინელებს არ შეუძლიათ ამ ტიპის რაკეტების გამოყენება ადგილზე დასავლური მხარდაჭერის გარეშე.
