თურქეთის საგარეო საქმეთა მინისტრმა, ჰაკან ფიდანმა განაცხადა, რომ ლაჩინის დერეფანი აზერბაიჯანის ტერიტორიაა და რომ ოფიციალურ ბაქოს შეუძლია თავის ტერიტორიასთან დაკავშირებით ნებისმიერი ზომის მიღება.

„ლაჩინის გზა აზერბაიჯანის ტერიტორიაა. ამიტომ აზერბაიჯანი იღებს ყველა ზომას, რასაც საჭიროდ ჩათვლის. [ზომების] მიღება არის მისი ერთ-ერთი უდიდესი სუვერენული უფლება“, - აღნიშნა თურქეთის საგარეო უწყების ხელმძღვანელმა.

ჰაკან ფიდანმა ხაზგასმით აღნიშნა, რომ უკიდურესად მნიშვნელოვანია, რომ აზერბაიჯანსა და სომხეთს შორის სამშვიდობო მოლაპარაკებები დასრულდეს.