USD 3.1181
EUR 3.6582
RUB 4.2765
თბილისი
სოფიო პატარაია-ნიდერლანდებში მოღვაწე ქართველი მეცნიერი
თარიღი : 09.05.2021 13:26  249
90-იანების თბილისში სამყაროს გამოკვლევაზე ვოცნებობდი. მაშინ ეს შეუძლებელი იყო, თუმცა მე დღეს აქ ვარ, ევროპის კოსმოსურ სააგენტოში. მართალია, აქამდე მოსასვლელად გრძელი და რთული გზა გავიარე, მაგრამ ეს ჩემთვის უფრო საინტერესო იყო. მიღებულმა გამოცდილებამ მასწავლა, რომ შეუძლებელი არაფერია.
 
2006-2009 წლებში გერმანიაში, მაქს-პლანკის ინსტიტუტში და მიუნხენის ტექნიკურ უნივერსიტეტში დოქტორის ხარისხი მივიღე. სწავლის პარალელურად მუშაობა CERN-ში, ბირთვული კვლევების ევროპულ ცენტრში დავიწყე. ვიყავი სტატისტიკური კომიტეტის წევრი. ჩემს მოვალეობაში შედიოდა ATLAS კოლაბორაციისთვის (3000-მდე წევრია კოლაბორაციაში) სტატიების შემოწმება, გამართვა და რეკომენდაციების მიცემა, ასევე სტატისტიკური ანალიზის software კორდინაცია. ცამეტი წლის განმავლობაში CERN-ში ოცდაათამდე სტატია დავწერე. ვიკვლევდი ფიზიკის ნიშნებს, “სტანდარტ მოდელს” და მის ორ ყველაზე მასიურ წარმომადგენელს Top Quark-ს და Higgs Boson-ს. ამ წლების განმავლობაში სუპერსიმეტრიის, შავი მატერიის და ეგზოტიკური ახალი ნაწილაკების აღმოჩენას ვცდილობდი.
სამი წელია რაც ევროპის კოსმოსურ სააგენტოში( ESA), ძალიან საინტერესო პროექტზე ( research and development of Atomic clocks for Galileo satelites) ვმუშაობ.
 
CERN და ESA, მეცნიერული და ტექნოლოგიური განვითარებისთვის მნიშვნელოვანი კერებია. აქ ხდება მსოფლიო კაპიტალის მოზიდვა ისეთი პროექტების განხორციელების მიზნით, როგორიც არის დიდი ჰადრონული ამაჩქარებელი, გეგმები მთვარესა და მარსზე.
 
დღეს, კოსმოსური კვლევები მსოფლიო მასშტაბით ახალ მარათონში ებმევა (New Space Race), რადგან გაჩნდა ტექნოლოგიური მზაობა, რომ ყველა მდიდარმა სახელმწიფომ თამამი ამბიციები დაისახოს კოსმოსში დასამკვიდრებლად. ჩვენს სფეროში საჭიროა მუდმივი განვითარება, რადგან ტექნოლოგიები დიდი სისწრაფით ვითარდება და მრავალი სამეცნიერო დარგის ერთმანეთთან დაკავშირება ხდება. საჭიროა მუდმივი ძიება, ბრძოლა მიზნისთვის და გამძლეობა, რომ მარცხის შემთხვევაში ყველაფერი თავიდან დაიწყო.
 
როგორც მთელ მსოფლიოში, ასევე საქართველოში, მეცნიერების და ტექნოლოგიების განვითარებისთვის საჭიროა სტაბილურობა, სწრაფვა განათლებისა და განვითარებისკენ.
 
ახალგაზრდა მეცნიერებს მინდა ვუთხრა, რომ დღეს თუ რამე არ გამოგივიდათ, არ დანებდეთ, ხვალ ის შეიძლება უკეთესად შეძლოთ. მთავარია გამძლეობა და მუდმივი სწავლა!
ბიზნესი
საქართველოში შიდა ტურიზმი გაორმაგდა

საქსტატის მიერ დღეს გამოქვეყნებული ანგარიშის თანახმად, 2021 წლის მეორე კვარტალში ქვეყანაში შიდა ტურიზმის მოცულობა გაორმაგდა. სტატისტიკის თანახმად, 15 წლის და უფროსი ასაკის ვიზიტორების მიერ განხორციელებული ვიზიტების რაოდენობა 1,415,000 იყო, რაც წინა წელთან შედარებით 109%-ით მეტია. 

საქსტატის ანგარიშის მიხედვით, განხორციელებულ ვიზიტებს შორის ტურისტული ვიზიტი (ვიზიტი, რომლის დროსაც ვიზიტორი 1 ღამით მაინც დარჩა ვიზიტის ადგილზე) 654,500 იყო, რაც წინა წელთან შედარებით 112%-ით მეტია. დანარჩენი ვიზიტები კი ექსკურსიულ ხასიათს ატარებდა, რა დროსაც ვიზიტორები ვიზიტის ადგილზე 1 დღეზე ნაკლები დროით დარჩნენ. 

გამოკვლევის შედეგების მიხედვით, ვიზიტორების 44.1 პროცენტი ქ. თბილისის მაცხოვრებელია, 11.6 პროცენტი მოდის იმერეთის, რაჭა-ლეჩხუმისა და ქვემო სვანეთის რეგიონზე, 11.2 პროცენტი - ქვემო ქართლის რეგიონზე, ხოლო დანარჩენი რეგიონები სტრუქტურაში შედარებით დაბალი წილით არის წარმოდგენილი.

2021 წლის მეორე კვარტალში ვიზიტების უმრავლესობა (47.0 პროცენტი) განხორციელდა მეგობრების/ნათესავების მონახულების მიზნით.

მიზნობრიობის მიხედვით, ვიზიტები ასე ნაწილდება:

მეგობრების/ნათესავების მონახულება - 47%;
მეორე სახლის მონახულება (აგარაკი და სხვა) - 17.5%;
შოპინგი - 14.1%;
მკურნალობა, გაჯანსაღება - 7.8%;
დასვენება, გართობა, რეკრეაცია - 7%;
პროფესიული/ეკონომიკური საქმიანობა - 3.1%;
რელიგია/მომლოცველობა - 1.6%;
განათლების მიღება - 0.1%;
სხვა - 1.8%.

ყველაზე მეტი ვიზიტი განხორციელდა ქ. თბილისში (საშუალოდ 316.2 ათასი ვიზიტი თვეში) და იმერეთის რეგიონში (საშუალოდ 253.9 ათასი ვიზიტი თვეში).

2021 წლის მეორე კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 203.4 მილიონი ლარით. აღნიშნული მაჩვენებელი 128.1 პროცენტით მეტია გასული წლის შესაბამისი პერიოდის მაჩვენებელთან შედარებით. ამასთან, ვიზიტზე გაწეული საშუალო ხარჯი გაზრდილია 8.9 პროცენტით და 143.7 ლარს უტოლდება.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.