,
აშშ-ის პრეზიდენტმა, დონალდ ტრამპმა განაცხადა, რომ ომების დასრულების კუთხით მას „კიდევ ერთი [ომი] დარჩა“ დასასრულებელი.
„ეს არის რუსეთი და უკრაინა, და ვფიქრობ, მივაღწევთ ამას, მაგრამ ყველაფერი რთულად ვითარდება, რადგან ორ ლიდერს [პუტინი და ზელენსკი] ნამდვილად სძულთ ერთმანეთი და ეს საქმეს ოდნავ ართულებს“, - აცხადებს დონალდ ტრამპი.
ჟურნალისტებმა ტრამპს ასევე ჰკითხეს, ფიქრობს თუ არა, რომ უკრაინა შეძლებს ომის მოგებას.
„არ ვფიქრობ, რომ გაიმარჯვებენ, მაგრამ მაინც შეუძლიათ გამარჯვება - მე არასდროს მითქვამს, რომ აუცილებლად გაიმარჯვებდნენ. მე ვთქვი, რომ შეუძლიათ გაიმარჯვონ - ყველაფერი შეიძლება მოხდეს. ომი ძალიან უცნაური რამაა, ბევრი ცუდი რამ ხდება“, - დასძინა მან.
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
