1. მიწის ნაკვეთის სამშენებლოდ გამოყენების პირობების დოკუმენტი – ე.წ. „გაპი“ – პირობები, რომელთა დაკმაყოფილებაც აუცილებელია, მიწის ნაკვეთზე მშენებლობის წამოსაწყებად.

2. პროექტის შეთანხმება – დეტალური არქიტექტურული, კონსტრუქციული და საინჟინრო პროექტების/ მომიჯნავე დისციპლინების დოკუმენტების (გეოლოგიური კვლევა და ა.შ.) მომზადება, შემდგომ მათი მერიასთან შეთანხმება.

3. მშენებლობის ნებართვის მიღება – მშენებლობის ნებართვის მისაღებად, არქ. პროექტს ემატება გარკვეული დოკუმენტები, მაგ: კალენდარულ გეგმა/გრაფიკისა და მშენებლობის ორგანიზების პროექტები.

თითოეული ეტაპის შესაბამისი განაცხადი და მოთხოვნილი დოკუმენტაცია უნდა წარედგინოს ადგილობრივ მუნიციპალიტეტს. თბილისის შემთხვევაში ეს პროცესი ონლაინ რეჟიმში, მერიის ვებ-გვერდის საშუალებით ხდება. დღეს განვიხილავთ ზემოთ ჩამოთლილი სამი ეტაპიდან პირველს:

მიწის ნაკვეთის სამშენებლოდ გამოყენების პირობების დოკუმენტი – ე.წ. „გაპი“.

იმისათვის, რომ „გაპი“ მოიპოვოთ, საჭიროა შემდეგი ჩამონათვალის წარდგენა:

1. საპროექტო ნაკვეთის დეტალური აღწერილობა:

• ნაკვეთის ფოტოსურათები.
• ტერიტორიის ტოპოგრაფიული კვლევა.

იმ შემთხვევაში თუ მიწის ნაკვეთი მდებარეობს თბილისში,  აუცილებელია დამატებითი დოკუმენტები:

• საპროექტო ტერიტორიის გამწვანების (დენდროლოგიური) სქემა.

2. პროექტის განვითარების შესაძლებელი ვერსიები:

• აუცილებელია მითითებული გქონდეთ რა ფუნქციის მატარებელი იქნება დაგეგმილი შენობა-ნაგებობა.
• საჭიროა პროექტის სავარაუდო გაბარიტების მითითება.
• პროექტის შეთანხმებამდე, თუ შენობა-ნაგებობის დამტკიცებული ფუნქციის შეცვლას მოისურვებთ, ამ შემთხვევაში ხელმეორედაც გეძლევათ შესაძლებლობა, რომ განახლებული ფუნქციით მოიპოვოთ ტერიტორიის „გაპი“.

დამატებით გასათვალისწინებელი ფაქტორები, რაც დაგჭირდებათ „გაპი“-ს მისაღებად:

1. „მიწათსარგებლობის გენერალური გეგმა“ (ე.წ. „გენ–გეგმა) – ქალაქთმშენებლბითი დოკუმენტი, რომელიც ადგენს ტერიტორიების გამოყენების ძირითად პარამეტრებს. მაგალითად: ფუნქციურ ზონას, კოეფიციენტებს, შენობის დასაშვები ფუნქციების ჩამონათვალს და ა.შ.

ტერიტორიას, რომელსაც გააჩნია გენგეგმა, გაპის სტადიაზე აღარ ჭირდება დამატებითი კვლევა.

2. საპროექტო ტერიტორიის კვლევა – იმ შემთხვევაში თუ, ნაკვეთი მდებარეობს ისეთ დასახლებაში, რომელსაც არ გააჩნია გენ-გეგმა, სავალდებულოა კვლევა გარშემო არსებული განაშენიანების შესასწავლად. ჩატარებული კვლევით, განისაზღვრება ნაკვეთის ფუნქცია და განაშენიანების კოეფიციენტები.

3. რეგულირების ხაზები – გაპის დამტკიცებისას, საჭიროების შემთხვევაში, მერიისგან მიიღებთ მითითებებს, ნაკვეთისთვის ქალაქმშენებლობითი დოკუმენტით დადგენილი წარმოსახვითი მიჯნების შესახებ:

4. კომუნიკაციების სისტემა – მერია მოგაწვდით დამატებით ინფორმაციას, იმ შემთხვევაშიც, თუ ტერიტორიაზე ან მის მიმდებარედ არსებობს რაიმე ტიპის გასათვალისწინებელი, საკომუნიკაციო გაყვანილობა/ქსელი და ეს ყოველივე ვებ-გვერდზე ხელმისაწვდომი არაა.

განცხადების წარდგენიდან, 10 სამუშაო დღის ვადაში დაგიბრუნდებათ პასუხი, რომელშიც განსაზღვრული იქნება პროექტის სამომავლო მოცულობა და გაბარიტები. დამტკიცების შემთხვევაში, მიღებული ნებართვა – 3 წლის ვადით შეგინარჩუნდებათ. ამის შემდეგ, უკვე შეგიძლიათ დაიწყოთ არქიტექტურულ გადაწყვეტებზე ფიქრი და გადახვიდეთ შემდეგ ეტაპზე – მოიპოვოთ პროექტის  ნებართვა.

შემდეგ სტატიაში, განვიხილავთ მშნებლობის ნებართვის მისაღებად საჭირო მომდევნო, ანუ – „პროექტის შეთანხმების“ ეტაპს. თუ გაქვთ მიწის ნაკვეთი ან აპირებთ შეძენას და გაინტერესებთ, რა პროცედურების გავლაა საჭირო მშენებლობის ნებართვის მოსაპოვებლად, დაგვიკავშირდით. ჩვენი გუნდი მზად არის, დაგეხმარებათ სასურველი პროექტის მომზადებაში.