,
2023 წლის 1-2 აგვისტოს შეჯამება უკრაინაში:
- ებრაულმა და ბერძნულმა ხომალდებმა გაიარეს რუსული ბლოკადა და შევიდნენ უკრაინულ დუნაისპირა პორტებში. ისინი, სავარაუდოდ ხორბალს გადაზიდავენ ან მდინარის სანაოსნო გზით ან უკან დაბრუნდებიან შავ ზღვაში. საინტერესო აქ სხვა ფაქტია: ხომალდებს ჰაერიდან ამერიკული P-8 Poseidon იცავდა, რომელიც ხომალდსაწინააღმდეგო შეიარაღებას ატარებს თან. გემების ჩაძირვა რუსებმა ვერ გაბედა. მდინარე დუნაი ევროპის ერთ-ერთი უმთავრესი სანაოსნო არტერიაა. შესაბამისად, ბევრი რამის განხორციელება შეუძლიათ უკრაინელებს, მათ შორის უბრალოდ რუმინეთის ტერიტორიაზე - მდინარის მეორე ნაპირზე - გადატანის. ამისათვის უკრაინული პორტები რენე და იზმაილი საკვანძო წერტილებია. სწორედ მათ მიმართულებით უშვებს დრონებსა და რაკეტებს რუსეთი.
- ყირიმში, სევასტოპოლის სიახლოვეს ბოლო 48 საათის განმავლობაში რამდენიმე აფეთქება მოხდა. მუშაობენ უკრაინული დრონები, თუმცა არსებობს მოსაზრება რომ ადგილობრივი მოსახლეობის ნაწილი (უკრაინელები, პრო-უკრაინული რუსები ან თათრები) დივერსიულ მოქმედებებს ეწევიან რკინიგზისა და ბაზების სიახლოვეს. ეს კი რუსულ თავდაცვას ბევრად მოუქნელს ხდის.
- უკრაინელებმა ზაპორიჟიას ოლქში რობოტინეს სამხრეთით, ნოვოპროკოპივკაში რუსულ იარაღის საწყობს დაარტყეს. სწორედ აქედან ხდებოდა ფრონტისპირა მომარაგება ორიხივი-ტოკმაკის მონაკვეთზე. ზოგადად, რობოტინეს მიმართლებით შეტაკებები გრძელდება.
- დონეცკის ოლქში რუსებმა ავდიივკას მიმართულებით (ქალაქი დონეცკის მომიჯნავედ), დასახლების ირგვლივ, რამდენიმე ათეული მეტრით წინ წაიწიეს (რაც ამ მონაკვეთისათვის საკმაოდ დიდია, მით უფრო იმ ფონზე, რომ დასახლებაზე შეტევა არა ომის პირველივე საათებიდან არამედ ომამდეც კი მიმდინარეობდა) თუმცა დღეს უკრაინელებმა კონტრშეტევით დაკარგული პოზიციები დაიბრუნეს. ავდიივკა არის უკრაინული აღმოსავლური თავდაცვის ერთ-ერთი ბასტიონი.
- ხანძრებია მოსკოვის ინდუსტრიულ რაიონში. ბოლო 48 საათში რამდენიმე ასეთი ხანძარი იყო მოსკოვის ოლქის ტერიტორიაზე. რუსები მასობრივ დივერსიულ შეტევას არ გამორიცხავენ და ამბობენ, რომ დრონებითა და ხანძრებით რუსეთს ვერ დაამარცხებენ. როგორც არ უნდა იყოს, ომმა ამა თუ იმ ფორმით მოსკოვის ოლქს მიაღწია, მით უფრო რომ დრონების დაცემა მოსკოვის ტერიტორიაზე უკვე აღარავის უკვირს. არადა პრო-რუსები საქართველოში (და არა მარტო) რამდენიმე თვის წინ ცმუკავდნენ, რუსები მოსკოვში რამდე თუ მოხდა ომს გამოაცხადებენო.
- ბოლო 48 საათში სანკტ-პეტერბუგში მინიმუმ სამი კომისარიატი გახდა თავდასხმების სამიზნე. ამ შემთხვევაში თავად რუსები მოლოტოვის კოქტეილებს ესვრიან დაწესებულების შესასვლელებს. იმ ფონზე რომ ფარული საყოველთაო მობილიზაცია მიმდინარეობს (და არა ნაწილობრივი), მოსახლეობის დიდი ნაწილს ფრონტზე წასვლა და სიკვდილი სულაც არ სურთ.
- რუსული ფრთოსანი რაკეტები და ირანული წარმოშობის დრონები კიევზე, ხარკივზე, ოდესასა და სხვა ქალაქებზე ყოველდღიურ რეჟიმში მუშაობს. რა არის მათი სამიზნეები? საავადმყოფოები, სკოლები და საცხოვრებელი კორპუსები.
მიყევით ბმულს - გიორგი კობერიძე
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
