,
2023 წლის 17 ივლისის შეჯამება უკრაინაში:
- ყირიმის ქერჩის სამანქანო ხიდი ორივე მიმართულებით დაზიანებულია. ერთ-ერთ მონაკვეთზე სავარაუდოდ დაზიანდა ბურჯიც. შესაბამისად, ხიდი გამოეთიშა ფუნქციონირებას. როგორც ჩანს, ხიდის წინააღმდეგ ჯერ სატყუარად მიტანილ იქნა იერიში ჰაერიდან დრონების მეშვეობით, შემდეგ კი წყლიდან უპილოტოების მეშვეობით. რუსებს სპეციალურად გაწვრთნილი დელფინებიც კი ჰყავდათ ყირიმში ცალკეული მონაკვეთების დასაცავად, მაგრამ წყლის აპარატების წინააღმდეგ ისინიც უმწეონი გამოდგნენ.
ყირიმიდან გასასვლელად რამდენიმე კილომეტრიანი რიგი დგას. რუსები საბორნე მიმოსვლას იყენებენ. რუსების მეორე ნაწილი ხერსონისა და ზაპორიჟიას ოლქიდან ცდილობს გასვლას.
- ყირიმის ხიდის აფეთქების ფონზე რუსეთი მარცვლეულის შეთანხმებიდან გავიდა. ეს საერთაშორისო საზოგადოების მხრიდან კიდევ ერთხელ გახდა დაგმობის მიზეზი. გამოდის, რომ უკრაინიდან ზღვით გასული ხორბალი, ქერი და სხვა მარცვლეული რუსული ხომალდების მხრიდან საფრთხის ქვეშ იქნებიან. ეს კი პირველ რიგში განვითარებად ქვეყნებზე აისახება. ამასთან, თურქეთი დიდი ხნის განმავლობაში იყო მთავარი ლობისტი აღნიშნული შეთანხმების. შესაბამისად, მიუხედავად იმისა თუ რას იტყვიან საჯაროდ, თურქეთსა და რუსეთს შორის ნორმალიზებულ ურთიერთობებს კიდევ უფრო მყიფე საფუძველი იქნება.
- რუსული მოიერიშე სუ-25 ჩამოვარდა კრასნოდარის ოლქში. აპარატი აზოვის ზღვაში ჩავარდა. განადგურებულ თვითმფრინავთან ერთად დაიღუპა პილოტიც.
- კვლავ ბევრი უკრაინული და რუსული წყარო საუბრობს კრემინა-სვატოვე-კუპიანსკის მონაკვეთზე დიდი რაოდენობით რუსული ცოცხალი ძალისა და ტექნიკის მობილიზაციის შესახებ. ზოგადად, ამ თემაზე რამდენჯერმე უკვე დავწერეთ, მათ შორის ამ თვეში ორჯერ მაინც. რეალურად, რუსებს კრემინა-სვატოვეს მონაკვეთზე ჯერ კიდევ ივნისის დასაწყისში მოუყარეს დიდი რაოდენობით ტექნიკას თავი, თუმცა ტყისპირა შეტაკებებში მათი ნაწილი დაკარგეს და უკუიქცნენ. მოგვიანებით, ივნისის ბოლოდან რუსებმა განაახლეს იერიში ლიმანის მიმართულებით და ზარიჩნესა და ტორსკეს მიმართულებით ახორციელებენ საარტილერიო დარტყმებს, ხოლო მინდვრებზე გარკვეული მონაკვეთის დაკავებაც შეძლეს, მაგრამ ჯერჯერობით არაფერი განსაკუთრებული არ ხდება - ზამთრიდან მოყოლებული ეს მონაკვეთი პერიოდულად აქტიურია, ხოლო კრემინას ტყეში სიტუაცია არც კი შეცვლილა. აღსანიშნავია ისიც, რომ დიდი რაოდენობით ცოცხალი ძალის თავმოყრაზე საუბრისას, მათი მნიშვნელოვანი ნაწილი მობილიზებულებისაგან შედგება. ეს არ ნიშნავს, რომ რუსები რაიმეს არ ცდიან, მაგრამ ბოლო ორი კვირის იერიშებზე დაკვირვებით ხელშესახები წინსვლა და რომელიმე მიმართულებით სიტუაციის დამძიმება არ არის წარმოდგენილი.
- ოკუპირებული დნესტრისპირეთის კომუნისტური პარტიის ერთ-ერთი ლიდერი და სეპარატისტული პარლამენტის წევრი ოლეგ ხორშანი საკუთარ კაბინეტში დანის განმეორებითი დარტყმით მოკლეს. საინტერესოა, რომ მას ბოლო დროის განმავლობაში საოკუპაციო-სეპარატისტულ მთავრობასთან ცუდი ურთიერთობა ჰქონდა, მაგრამ რუსეთისადმი ლოიალობა არასდროს დაუკარგავს. შიდა გარჩევებს შეეწირა იგი თუ სხვა რაიმეს არაა ცნობილი, მაგრამ დნესტრისპირეთშიც სიტუაცია ირევა.
მიყევით ბმულს - გიორგი კობერიძე
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
