კოვიდ-19-ის კრიზისი მაღვიძარას ზარია, - ამის შესახებ გაეროს გენერალურმა მდივანმა ანტონიო გუტერეშმა კორონავირუსის საკითხებთან დაკავშირებით გამართულ ვირტუალურ კონფერენციაზე განაცხადა.
მისივე თქმით, აუცილებელია ქვეყნების ეკონომიკებისა და საზოგადოებების ისე გარდაქმნა, რომ მომავალში ისინი უფრო მეტად ინკლუზიურები გახდნენ.
„კოვიდ-19-ის კრიზისი მაღვიძარას ზარია, ქვეყნების ეკონომიკები და საზოგადოებები ისე უნდა გარდაიქმნან, რომ მომავალში ისინი უფრო სამართლიანები და ინკლუზიურები გახდნენ“, - განაცხადა გუტერეშმა.
გაეროს გენერალურმა მდივანმა კიდევ ერთხელ გაუსვა ხაზი იმას, რომ აუცილებელია ვაქცინა ყველასთვის ხელმისაწვდომი გახდეს.
”მომავალი კორონავირუსის საწინააღმდეგო ეფექტური ვაქცინა ყველასთვის ხელმისაწვდომი უნდა იყოს, ეს უნდა იყოს ვაქცინა ხალხისთვის“, - აღნიშნა ანტონიო გუტერეშმა.