USD
EUR
RUB
თბილისი
სოფიკო ჩხეიძე- იტალიაში მცხოვრები ქაფთველი მხატვარი
თარიღი : 11.08.2021 09:44  377
იტალიის მთავრობის სტიპენდია 2003 წელს მოვიპოვე, რამაც საშუალება მომცა ჩამოვსულიყავი მილანში, მესწავლა ბრერას აკადემიაში, სადაც სწავლა ყველა მხატვრის ოცნებაა. ამჟამად ორ დიდ პროექტზე ვმუშაობ. ახლახან გაიხსნა ჩემი პერსონალური გამოფენა ბოლონიაში Gallerria de’ fosherar-ში. ასევე ვამზადებ მომავალ პერსონალურ გამოფენას, რომელიც მილანში 2022 წელს გაიხსნება.
 
ჩემი შთაგონების წყაროა ადამიანი და მისი ცხოვრების დრო. ნამუშევრების ძირითადი თემაც დროა, გამოსახულების ბრძოლა სიცოცხლისთვის და მისი მეტამორფოზი. ამ ნამუშევრების ჯგუფს “დროითი გეოგრაფია” ვუწოდე. იგი შედგება გამოსახულების ფერფლსგან, სუფთა პიგმენტისგან. მისი მნიშვნელოვანი კომპონენტია გრავიტაციის ძალა, რომელიც მოქმედებს სურათის მასალაზე. გრავიტაცია უბიძგებს (იზიდავს) მასალას, იწვევს მის ვარდნას, ამ თვალსაზრისით ყოველი დროითი გეოგრაფია - საათია, ქვიშის საათი. ჩარჩო განსაზღვრავს გამოსახულობას სივრცეს, როგორც ქვიშის საათის კოლბა განსაზღვრავს გასაზომი დროის ხანგრძლიობას. დროთა განმავლობაში სურათის კომპოზიცია იცვლება, მასალა ეცემა და დრო, სიმძიმის ძალის საშუალებით, ასახავს მის დინებას. დრო, რომელიც აღნიშნავს დროით გეოგრაფიას - ნგრევის, სიცოცხლის გამოფიტვის დროა. დროის დინებამ შეიძლება გადმოგვცეს მხოლოდ სწრაფწარმავლობის შეგრძნება, შეგრძნება ფორმის დაშლისა და მისი გახრწნისა. ყველაფრის ულმობელი სწრაფვა დასასრულისკენ. ეს ცვლადი ფორმები, რომლისგანაც არის შექმნილი ჩემი ნამუშევრები, დაშლით ქმნიან ახალ კომპოზიციას, მაგრამ ამავე დროს თავის შეჩერებით, თუნდაც მყისიერი შეჩერებით, გამოავლენენ განადგურების წინააღმდეგობის ფორმებს. წარმოადგენენ რა დროისა და მეხსიერებისაგან შექმნილ ცოცხალ გამოსახულებებს. მათი ცხოვრება ყოველთვის გადარჩენა და წინააღმდეგობაა. როგორც ვალტერ ბენამინი თავის მოთხრობაში წერს: “გამოსახულება ებრძვის დროის ძალას (...) და ამ ბრძოლიდან (...) წარმოიქმნება დროის ჭეშმარიტად ეპიკური განცდები: იმედი და ხსოვნა”.
 
ძალიან დიდი დრო სჭირდება ფიქრს, შექმნას და განხორციელებას. ამავე დროს სულ ფხიზლად უნდა იყო, რომ შენი ხელოვნება არ გახდეს ბაზრის საქონელი. ხელოვნების გზა გრძელია და მარტოობით სავსე. საჭიროა მარადისობას გაუსწორო თვალი, იცოდე თუ რა არის შენი სათქმელი და როგორ მიიტან მას საზოგადოებამდე. დღევანდელმა დღემ და წარმატებამ არ უნდა დაგაბრმაოს, ის ხომ მრავალი ფაქტორზეა დამოკიდებული: ისტორიული წრე, კონტექსტი, ნაცნობების წრე ... ახალგაზრდა არტისტებს მინდა ვუთხრა: გწამდეთ, რომ გამოსახულებას შეუძლია სამყაროს შეცვლა!
სხვა
"თაგვების სამოთხე" - ექსპერიმენტი "Universe 25"

ეს არის ერთ-ერთი ყველაზე საშინელი ექსპერიმენტი მეცნიერების ისტორიაში, თაგვების მონაწილეობით.

ეს იყო მეცნიერთა მიერ, ადამიანთა საზოგადოების ქცევის ახსნა, თაგვების მეშვეობით. იდეის ავტორი არის ამერიკელი მეცნიერი, ჯონ კალჰუნი, რომელმაც შექმნა "თაგვების სამოთხე", სადაც ათასობით თაგვი ცხოვრობდა.

ჯონმა შექმნა სპეციალური სივრცე, სადაც თაგვებს ჰქონდათ უამრავი საკვები და წყალი, ასევე დიდი სივცრე საცხოვრებლად.

თავდაპირველად, მან 4 წყვილი თაგვით დაიწყო, რომლებმაც გამრავლება დაიწყეს, მათი პოლულაცია მნიშვნელოვნად გაიზარდა, თუნცა 315 დღის შემდექ, მათი რეპროფუქცია შემცირდა.

როდესაც თაგვთა რაოდენობამ 600 ინდივიდს მიაღწია, მათ შორის ჩამოყალიბდა იერარქია ე.წ . "უბედურთა" კლასი. დიდმა ინდივიდებმა დაიწყეს მცირე ჯგუფებზე შეტევა, რის გამოც ბევრი მამრი ფსიქოლოგიურად განადგურდა, შედეგად მდედრებმა დაიწყეს თავის დაცვა, გახდნენ აგრესიულები შთამომავლობის მიმართ.

დროთა განმავლოვაში, მდედრებმა დაიწყეს უფრო აგრესიული ქცევის გამოვლინება. დაფიქსირდა შობადობის ნაკლები შედეგიანობა და სიკვდილოანობის ზრდა ახალგაზრდებში. შედეგად ჩამოყალიბდა ახალი კლასი, ე.წ. "ლამაზი თაგვები", მათ აღარ აინტერესებდან მდედრებთან შეწყვილება, მხოლოდ ჭამა და ძილი ადარდებთათ.

ერთი პერიოდი, კოლონიის უმეტესობას, "ლამაზი მამრები" და "იზოლირებული მდედრები" წარმოადგენდნენ. პატარების სიკვდილიანობამ 100% მიაღწია და რეპროდუქციამ ნულს მიაღწია. გადაშენების პირას მყოფ მამრებს შორის შეინიშნებოდა ჰომოსექსუალობის და კანიბალიზმის შემთხვევები მიუხედავად საკვების სიუხვისა. კოლონიის დაყებიდან 2 წლის შემდეგ, კოლონიას უკანასკნელი ახალშობილი ჰყავდა.

1973 წელს, უკანასკნელი თაგვი მოკვდა "universe 25" -ის ექსპერიმენტიდან. ჯონ კალჰუნმა, იგივე ექსპერიმენდი , 25 ჯერ გაიმეორა და ყველა ჯერზე ერთი და იგივე შედეგი მიიღო.
კალჰუნის სამეცნიერო ნაშრომი გამოყენებულია, როგორც სოციალური კოლაფსის მოდელი და ემსახურება ურბანული სოციოლოგიის შესწავლას.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.