ინფრასტრუქტურული პროექტების ფარგლებში, მოსასვენებელი და ბავშვთა გასართობი სივრცეების მოწყობის სამუშაოები გრძელდება.
ამჟამად, სრული რეაბილიტაცია ჩაუტარდა ზემო ფონიჭალაში, 28-ე კორპუსის მიმდებარედ არსებულ ტერიტორიას, სადაც მხოლოდ რამდენიმე ძველი
ატრაქციონი იყო შემორჩენილი.
პროექტის ფარგლებში, ძველი ატრაქციონების დემონტაჟის შემდეგ, იქ მოეწყო ახალი ატრაქციონები, არსებულ სივრცეში ჩატარდა გამწვანების სამუშაოები,
მოეწყო ბილიკები, განათების სისტემა, დაიდგა სკამები და ურნები.
სამუშაოები 870 კვ.მ. ფართობზე შესრულდა, რისთვისაც გამგეობის ბიუჯეტიდან 240 900 ლარი გამოიყო.
დასრულებულ სამუშაოებს ადგილზე კრწანისის რაიონის გამგებელი ბექა მიქაუტაძე, საკრებულოში კრწანისის მაჟორიტარ დეპუტატ ლევან ჯაფარიძესა და საქართველოს პარლამენტის წევრ დავით კაჭარავასთან ერთად გაეცნო.
