მთაწმინდის რაიონის გამგეობა მიმდინარე წლის განმავლობაში სხვადასხვა ინფრასტრუქტურულ პროეტს აქტიურად ახორციელებს.
ამჯერად, ზალდასტანიშვილის ქუჩის №7-ში საყრდენი კედელი მოეწყო. პროექტის ფარგლებში, აშენდა და აგურით მოპირკეთდა რკინა-ბეტონის კედელი.
აღნიშნული პროექტის შედეგად, საცხოვრებელ და სავალ გზაზე გრუნტის ჩამოშლის საფრთხე მოიხსნა.
დასრულებულ სამუშაოებს მთაწმინდის რაიონის გამგებელი დავით კირკიტაძე გამგეობის თანამშრომლებთან ერთად გაეცნო.
ინფრასტრუქტურული პროექტი ადგილობრივი ბიუჯეტიდან 110 000 ლარით დაფინანსდა.
2023 წელს, მთაწმინდის რაიონში ჯამში, გრუნტის დამჭერი 6 კედელი მოეწყო.
