,
სომხური მედიის ინფორმაციით, მთიან ყარაბაღში ლაჩინის დერეფნის გახსნის მოთხოვნით საპროტესტო აქცია მიმდინარეობს
აქციას მთიანი ყარაბაღის ე.წ. პრეზიდენტი არაიიკ ჰარუთუნიანი, „სახელმწიფო მინისტრი გურგენ ნერსისიანი და ადგილობრივი „ხელისუფლების“ სხვა წარმომადგენლები ესწრებიან.
გვრეცელებული ინფორმაციით, აქციაზე გამომსვლელები საუბრობენ ჰუმანიტარული კატასტროფის საფრთხეზე და საერთაშორისო თანამეგობრობას დერეფნის განბლოკვაში დახმარებისკენ მოუწოდებენ.
მათი განცხადებით, აზერბაიჯანს სომხებით დასახლებული რეგიონი გასული წლის დეკემბრიდან ბლოკადაში ჰყავს მოქცეული და ამჟამად ბაქო მთლიანად ბლოკავს სომხეთიდან ყველანაირი საქონლის, მათ შორის სურსათის, მიწოდებას.
ლაჩინის დერეფანი არის ერთადერთი გზა, რომელიც მთიან ყარაბაღს სომხეთის რესპუბლიკასთან აკავშირებს. ბაქოს მტკიცებით, ლაჩინის დერეფანი კონტრაბანდის გადატანის არაერთი მცდელობის გამო ჩაკეტეს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
