,
ასავლეთი მეორე მსოფლიო ომის დროინდელი გერმანულ-იტალიურ-იაპონური ბლოკის მსგავსი "ღერძის" შექმნას იწყებს, - ამის შესახებ რუსეთის პრეზიდენტმა, ვლადიმერ პუტინმა ტელეარხ «Россия 24"-თან ინტერვიუში განაცხადა.
მისი თქმით, შარშან ნატო ახალ სტრატეგიულ კონცეფციაზე შეთანხმდა, რომელშიც პირდაპირაა საუბარი აზია-წყნარი ოკეანის რეგიონის ქვეყნებთან - ახალ ზელანდიასთან, ავსტრალიასთან, სამხრეთ კორეასთან და სხვებთან ურთიერთობების განვითარების განზრახვას. „აცხადებენ, რომ შექმნიან გლობალურ ნატო-ს. აბა, რა არის ეს?“ - აღნიშნა პუტინმა.
მისი თქმით, წელს ბრიტანეთმა და იაპონიამ ხელი მოაწერეს შეთანხმებას სამხედრო სფეროში კონტაქტების დამყარების შესახებ.
„ამიტომაც თავად დასავლელი ანალიტიკოსები ამბობენ - ეს ჩვენ არ ვართ, ისინი ამბობენ, რომ დასავლეთი იწყებს ახალი ღერძის შენებას, რომლის მსგავსიც ოცდაათიან წლებში გერმანიის, იტალიისა და მილიტარისტული იაპონიის ფაშისტურმა რეჟიმებმა შექმნეს", - აღნიშნა რუსეთის პრეზიდენტმა.
ამასთან, მისი მტკიცებით, რუსეთი არ ქმნის სამხედრო ალიანსს ჩინეთთან და არ ემუქრება არცერთ ქვეყანას.
"დიახ, ჩვენ ასევე ვთანამშრომლობთ სამხედრო-ტექნიკური ურთიერთმოქმედების სფეროში. ამას არ ვმალავთ. ჩვენთან ყველაფერი გამჭვირვალეა. საიდუმლო არაფერია", - განაცხადა პუტინმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
