,
რუსეთს უკრაინის ოკუპირებულ ტერიტორიებზე “ხალხის გადარჩენა” სურს. ამის შესახებ რუსეთის პრეზიდენტმა ვლადიმირ პუტინმა ე.წ. “რეფერენდუმების” ბოლო დღეს, 27 სექტემბერს განაცხადა.
“დღეს, სპეციალური სამხედრო ოპერაციისა და დონბასში რეფერენდუმების ჩატარების პირობებში ხალხის გადარჩენა ყველა ტერიტორიაზე, ზუსტადაც ხალხის გადარჩენა ყველა ტერიტორიაზე, სადაც ეს რეფერენდუმი ტარდება - ეს ყველაფერი წინა პლანზეა და მთელი ჩვენი საზოგადოების, ჩვენი ქვეყნის ყურადღების ცენტრშია”, - განაცხადა პუტინმა.
ინფორმაციისთვის, დიდი ბრიტანეთის თავდაცვის სამინისტროს ინფორმაციით, დიდი ალბათობით რამდენიმე დღეში რუსეთის პრეზიდენტი უკრაინის ოკუპირებული ტერიტორიების ფორმალურ ანექსიას გამოაცხადებს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
