,
"ვისოლ ჯგუფმა" 2023 წლის ფინანსური ანგარიში გამოაქვეყნა - რომლის თანახმადაც გასული წლის განმავლობაში ჯგუფის მთლიანმა შემოსავალმა 642 მილიონი ლარი შეადგინა, რაც 2022 წელთან შედარებით 39 მილიონი ლარით ნაკლები იყო. შემცირება გასულ წელს საწვავის ფასების კლებით იყო განპირობებული. ასევე 2022 წელს არსებული 53.4 მილიონი ლარის წმინდა მოგებიდან ჯგუფის მოგება 34.5 მილიონ ლარამდე შემცირდა. თუმცა გაიზარდა კომპანიის სრული შემოსავალი, რაც კომპანიის აქტივების ღირებულების ზრდას უკავშირდებოდა, რამაც 49.2 მილიონი ლარი შეადგინა. აღნიშნულის გათვალისწინებით, ჯგუფის სრულმა შემოსავალმა (მოგებამ) 84 მილიონი ლარი შეადგინა.
"ვისოლ ჯგუფის" კონსოლიდირებული ანგარიშის თანახმად, გასული წლის განმავლობაში ჯგუფის მიერ რეალიზებული საქონლის თვითღირებულებამ 557 მილიონი ლარი შეადგინა. უფრო დეტალურად, ჯგუფის მაჩვენებლები ასე ნაწილდება:
ფინანსური ანგარიშის თანახმად, გასულ წელს გაყიდვებისა და მიწოდების ხარჯებმა ჯგუფისთვის 33.6 მილიონი ლარი შეადგინა, საიდანაც ხელფასები 9 მილიონ ლარს შეადგენდა. საერთო და ადმინისტრაციული ხარჯები კი 29.3 მილიონი ლარი იყო, საიდანაც სახელფასო ხარჯები 22.3 მილიონი ლარს შეადგენდა.
აუდიტირებული ფინანსური ანგარიშის თანახმად, კომპანიის უმსხვილესი აქციონერები არიან: ლევან ფხაკაძე 38%; სოსო ფხაკაძე 31%; გიორგი რამიშვილი 15.5%; ალექსი თოფურია 7%; ნუგზარ აბრამიშვილი 6.2%; დევიდ ბორგერი 2%.
ჯგუფის მთლიანი აქტივები 346 მილიონ ლარს შეადგენს.
საქართველოში მოქმედ უმსხვილეს კომპანიებს მათი ყოველწლიური ფინანსური შედეგებისა და მმართველობითი ანგარიშგებების გასაჯაროების ვალდებულება აქვთ. არსებული მდგომარეობით, ნავთობის საცალო სექტორში მოღვაწე კომპანიებიდან 2023 წლის ანგარიში გამოქვეყნებული აქვთ "ვისოლ ჯგუფსა" და "ლუკოილ ჯორჯიას". ანგარიშის თანახმად, ამ უკანასკნელის შემოსავალმა 2023 წელს 485 მილიონი ლარი შეადგინა, ხოლო მისი წმინდა მოგება 16.9 მილიონ ლარს შეადგენდა.
წყარო:https://bm.ge/
