,
დონალდ ტრამპის მომხრეები ვაშინგტონში შეიკრიბნენ, რათა არჩევნების გაყალბების შესახებ პრეზიდენტის პრეტენზიებს მხარი დაუჭირონ. დიდწილად მშვიდობიან დემონსტრაციას გარკვეული ძალადობაც მოჰყვა, როდესაც დონალდ ტრამპის მხარდამჭერებსა და კონტრაქციის მონაწილეებს შორის რამდენჯერმე შეტაკებას ჰქონდა ადგილი.
BBC იტყობინება, რომ ოფიციალური პირების თქმით, 20 ადამიანი დააკავეს სხვადასხვა ბრალდებით, მათ შორის თავდასხმისა და იარაღის ფლობისთვის. გავრცელდა ცნობა დაჭრის ფაქტზეც. დაშავდა პოლიციის ორი თანამშრომელიც.
„ANTIFA-ს (მემარცხენე იდეოლოგიის მქონე ანტიფაშისტური მოძრაობა) წევრები გაიქცნენ, როდესაც ტრამპის აქციაზე მყოფ ადამიანებზე შეტევა სცადეს, რადგან მათ წინააღმდეგობა გაუწიეს. „ANTIFA“-მ დღის ბოლომდე დაიცადა, როცა ადამიანების 99% უკვე წასული იყო, რომ უდანაშაულო „MAGA - ს მხარდამჭერებზე შეტევა განხორციელებულიყო“, – წერს დონალდ ტრამპი Twitter-ზე.
ამერიკული მედიის მიერ გამოცხადებული საბოლოო შედეგების თანახმად, ჯო ბაიდენმა ამომრჩეველთა კოლეგიის წევრთა 306 ხმა მიიღო, ხოლო დონალდ ტრამპმა - 232 ხმა.
9 ნოემბერს დონალდ ტრამპის საარჩევნო შტაბის ხელმძღვანელმა, ბილ სტეპინმა აღნიშნა, რომ რამდენიმე გადამწყვეტ შტატში დონალდ ტრამპის გუნდი სამართლებრივ დავებს აწარმოებს არჩევნებში დაფიქსირებულ დარღვევებთან დაკავშირებით.
3 ნოემბრის არჩევნები აშშ-ში ჯო ბაიდენმა მოიგო. მას ახლა კოლეგიაში 306 ხმა აქვს, რაც საჭირო ხმების რაოდენობას (270)აღემატება.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
