ვაკის რაიონის გამგეობა ინფრასტრუქტურული პროექტების განხორციელებას განაგრძობს. ამჯერად, დასასვენებელი სივრცის მოწყობა ლორთქიფანიძის N28-ში დაიწყო. ტერიტორიაზე, რომელიც 1200 კვ. მ მოიცავს, სპორტული მოედანი, საბავშვო-გასართობი სივრცე და სხვა დასასვენებელი ზონები განთავსდება. პროექტის დასკვნით ეტაპზე გამწვანების სამუშაო ჩატარდება.
ადგილობრივ მოსახლეობას ვაკის რაიონის გამგებელი დავით კვინიკაძე, საკრებულოს თავმჯდომარესთან, მაჟორიტარ დეპუტატთან, გიორგი ტყემალაძესთან ერთად შეხვდა.
აღნიშნული მიწის ნაკვეთის თაობაზე მერიამ გასულ წელს მესაკუთრესთან ადგილმონაცვლეობის შესახებ შეთანხმებას მიაღწია. მისამართზე უნდა აშენებულიყო კორპუსი, სამშენებლო სამუშაოების მიმდინარეობისას კი ფერდიდან ჩამოიშალა მიწის მასა, რის გამოც მიმდებარე კორპუსიდან გამგეობამ მოსახლეობა დროებით ქირით გაიყვანა. ფერდობის ნაწილი გასულ წელს გამაგრდა, ტერიტორიის კეთილმოწყობის პარალელურად კედლის ნაწილის მშენებლობა მიმდინარეობს.
