,
თბილისის გარემოს დაცვის საქალაქო სამსახური, ვაკის რაიონში, ჭავჭავაძის გამზირზე არსებულ თარგებში გამწვანების მასშტაბურ სამუშაოებს ახორციელებს.
სამუშაოების მიმდინარეობას გარემოს დაცვის საქალაქო სამსახურის უფროსი გიგა გიგაშვილი ადგილზე გაეცნო.
გამწვანებული თარგები, რომლის ფართობიც დაახლოებით 6 000 კვადრატული მეტრია, ჯამში 1358 ძირი შემდეგი სახეობის მწვანე ნარგავი დაირგო: 12 ძირი აღმოსავლური ჭადარი, 2 ძირი ნანდინა, 37 ძირი ფოტინია შტამბზე, 154 ძირი ბურთის ფორმის უთხოვარი, 624 ძირი პრიალა ძახველი, 92 ძირი ფოტინია ბურთის ფორმის, 221 ძირი წყავი, 216 ძირი წვრილფოთოლა ბზა.
აღნიშნულ ტერიტორიაზე, 2582 კვადრატულ მეტრ ფართობზე ნოყიერი მიწის ნაზავის შეტანისა და 1500 კვადრატულ მეტრ ფართობზე ბალახის დაგების სამუშაოებიც განხორციელდა.
აღსანიშნავია, რომ გამწვანების სამუშაოები კიდევ გაგრძელდება, რომელსაც შპს ,,ეკოსერვის ჯგუფი“ ახორციელებს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
