თბილისის  გარემოს დაცვის საქალაქო სამსახური, ვაკის რაიონში, ჭავჭავაძის გამზირზე არსებულ თარგებში გამწვანების მასშტაბურ სამუშაოებს ახორციელებს.

სამუშაოების მიმდინარეობას გარემოს დაცვის საქალაქო სამსახურის უფროსი გიგა გიგაშვილი ადგილზე გაეცნო.

გამწვანებული თარგები, რომლის ფართობიც დაახლოებით 6 000 კვადრატული მეტრია, ჯამში 1358 ძირი შემდეგი სახეობის მწვანე ნარგავი დაირგო: 12 ძირი აღმოსავლური ჭადარი, 2 ძირი ნანდინა, 37 ძირი ფოტინია შტამბზე, 154 ძირი ბურთის ფორმის უთხოვარი, 624 ძირი პრიალა ძახველი, 92 ძირი ფოტინია ბურთის ფორმის, 221 ძირი წყავი, 216 ძირი წვრილფოთოლა ბზა.

აღნიშნულ ტერიტორიაზე, 2582 კვადრატულ მეტრ ფართობზე ნოყიერი მიწის ნაზავის შეტანისა და 1500 კვადრატულ მეტრ ფართობზე ბალახის დაგების სამუშაოებიც განხორციელდა.