,
კეთილმოწყობილი გამწვანებული სივრცეების შექმნა ვაკის რაიონის გამგეობის ერთ-ერთი პრიორიტეტია. შესაბამისად, ინფრასტრუქტურული პროექტების ფარგლებში, დასასვენებელი სივრცეების რეაბილიტაცია სხვადასხვა უბანში მიმდინარეობს, - ინფორმაციას თბილისის მერია ავრცელებს.
„სარემონტო სამუშაოები ხორციელდება ქუთათელაძის N17დ-ს მიმდებარედ. იგება ფილები, მონტაჟდება ახალი საპარკო ავეჯი, საბავშვო მოედანზე რბილი საფარი გაკეთდება. ტერიტორიაზე უკვე განახლებულია სპორტული მოედანი. სკვერისა და სპორტული მოედნის რეაბილიტაცია, ასევე, ნუცუბიძის I მიკრორაიონის N9-10 კორპუსების მიმდებარედ გრძელდება. დაახლოებით, 3000 კვ.მ ფართობის სივრცე დაიყო ზონებად, როგორც ბავშვებისთვის, ასევე უფროსებისთვის. ტერიტორია აღიჭურვება შესაბამისი ინვენტარით, მოეწყობა დასასვენებელი პავილიონი. პროექტის ფარგლებში, მიმდინარეობს სპორტული მოედნის განახლება. გარდა ამისა, მოეწყობა ფიტნეს ზონები და ჩატარდება გამწვანების სამუშაოები.
კიდევ ერთი რეკრეაციული სივრცე ვაჟა-ფშაველას V კვარტლის I-II კორპუსების მიმდებარედ, 5 000 კვ.მ ფართობზე, ეწყობა. მიმდინარეობს სპორტული მოედნის განახლება, ეწყობა საბავშვო-გასართობი მოედანი და მოსასვენებელი პავილიონი. ტერიტორიაზე, ასევე განთავსდება ფიტნეს ზონა, დაირგვება ხე-მცენარეები, მოეწყობა სასეირნო ბილიკი. გარდა ამისა, მოწესრიგდება და გამწვანდება კორპუსების მიმდებარედ არსებული ფერდობებიც.
სამუშაოები რამდენიმე მონაკვეთზე ხორციელდება. აღსანიშნავია, რომ ტერიტორიაზე ჩატარდა ხეების სხვლა-ფორმირების სამუშაოები.
საზოგადოებრივი სივრცის განახლების პროცესი, ასევე ბაგებში, ზურაბ საკანდელიძის N8-ის მიმდებარედ სრულდება. პროექტის ფარგლებში, ტერიტორია შესაბამისი ინვენტარით უკვე აღიჭურვა, დაიგო ფილები, გაკეთდა ღობე და ეწყობა საბავშვო მოედანი. აღნიშნული დასასვენებელი სივრცე გაფორმდება მულჩით“, - წერია ინფორმაციაში.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
