უკრაინული შეტევა კურსკისა და ბელგოროდის ოლქებზე [შეჯამება

უკრაინული შეტევა კურსკისა და ბელგოროდის ოლქებზე [შეჯამება | 17.08.2024] - გიორგი კობერიძე

дата: 1147

- უკრაინელები კურსკის ოლქში, რაიონულ ცენტრ კორენოვოს ძალიან აქტიურად უტევენ. რუსები მაქსიმალურ ფსონს დებენ მის შენარჩუნებაზე. როგორც ჩანს უკრაინელებმა დასახლების ცენტრამდეც კი მიაღწიეს, რადგან თავად ზოგიერთი რუსული და უკრაინული წყარო ერთდროულად იტყობინებოდა ქალაქის უკრაინელთა ხელში გადასვლაზე, მაგრამ სავარაუდოა, რომ მთელი დასახლების სრული კონტროლი უკრაინელთა ხელში ჯერ კიდევ არ არის. კორენოვოს აღების შემდეგ გზა კიდევ ერთ, ამჯერად საკმაოდ მოზრდილ რაიონულ ცენტრამდე, რილსკამდე იხსნება. თუმცა რილსკის შტურმი კრუპეცის სასაზღვრო წერტილიდანაც იქნება შესაძლებელი, თუკი უკრაინელებმა ამ მიმართულებითაც გადაკვეთეს საზღვარი, რაც ჯერჯერობით არ მომხდარა. კრუპეცის სასაზღვრო პუნქტი მიმდინარე ოპერაციული ზონის ჩრდილოეთით მდებარეობს. რუსები ფიქრობენ, რომ უკრაინელთა მხრიდან საზღვრის ამ მონაკვეთზე გადაკვეთა შეტევის დაწყება შეიძლება ნებისმიერ დროს მოხდება.

- საინტერესო ვითარებაა კურსკის ოლქში. რუსეთის კონტროლირებად ტერიტორიაზე მასობრივად იხურება მაღაზიები და სავაჭრო ცენტრები ოლქის რაიონულ ცენტრებში. ხალხის ნაწილი უშუალოდ ქალაქი კურსკისაკენ გადაადგილდება, მეორე ნაწილი კი უფრო აღმოსავლეთით, მომიჯნავე ოლქებში გადადის. ადგილზე დარჩენილი რუსი მოსახლეობის ნაწილმა ერთმანეთის მიტოვებული ბინებისა და საკუთრების ძარცვაც კი დაიწყო. რაც შეეხება უკრაინელთა კონტროლირებად ტერიტორიას - ასეთი შემთხვევების პრევენციისათვის უკრაინელებს პოლიციური ფუნქციის შესრულებაც უწევთ.

- მდინარე სეიმზე ხიდის დაბომბვისა და ჩარღვევის შემდეგ გლუშკოვოს რაიონის ზოგიერთი წერტილიდან რუსებმა ევაკუაცია დაიწყეს. სასაზღვრო დასახლება ტეტკინოს ჩრდილოეთით, მდინარის დასავლეთ ნაპირი უკრაინელებმა დაიკავეს. რუსებმა სამხედრო ხიდი - პონტონი - უკვე გასდეს მდინარეზე, რითაც ძირითადი ორი ფუნქციური ხიდის მიღმა შეეძლებათ გადაადგილება. თუმცა რუსული პონტონი უკრაინული საარტილერიო დარტყმის ზონაში ხვდება, ასე რომ თუკი რუსები ევაკუაციას დარჩენილი ხიდების გავლით ან პონტონს გამოიყენებენ დაიწყებენ, შესაძლოა საარტილერიო დაბომბვის ქვეშ მოჰყვნენ. ასეთი შემთხვევები ბევრი გვქონდა ამ ომში, განსაკუთრებით კი 2022 წელს.

- კურსკის ოლქში უკრაინელებმა დაასრულეს კიდევ ერთი დასახლების, ვნეზაპნოეს და მისი შემოგარენის დაკავება და კიდევ ერთ სოფელ ბიახოვოში დაიწყეს შესვლა. აღნიშნული დასახლებების აღება ნიშნავს, რომ უკრაინის საზღვრიდან კორენოვომდე არსებული მცირე გამტარუნარიანობის გზა სრულად მათ ხელში აღმოჩნდება. გამაგრდება კიდეც ფლანგები. აქამდე უკრაინელები კორენოვოზე იერიშს სუჯა-რილსკის ცენტრალური მაგისტრალური გზით ახორციელებენ.

- გუშინ რუსების 155-ე ბრიგადის წარმომადგენელმა ვიდეო გაავრცელა, რომელშიც ჩანს კურსკის ოლქში დატყვევებულ უკრაინელის მოჭრილი თავი რომელიც სარზეა ჩამოაცვეს. ეს ომის დანაშაულია და ტერორიზმისგან არ განსხვავდება. უკრაინელებმა ამ სამხედრო დანაშაულზე მარტივი პასუხი შეუთვალეს: რუსული 155-ე ბრიგადის არცერთი წარმომადგენელი არ იქნება ტყვედ აყვანილი და რომ დამნაშავეები დაისჯებიან. ეს კი იმ მასშტაბის დანებების ფონზე, რომელიც კურსკში ვხედავთ, ალბათ მძიმედ შემოუბრუნდებათ რუს სამხედრო დამნაშავეებს 155-ე ბრიგადიდან.

- უკრაინაში, დონეცკის ოლქში, ქალაქი დონეცკის მომიჯნავედ - დასავლეთით - მდებარე უკრაინული დასახლება კურახოვესთან რუსული სამხედრო კოლონა განადგურდა საარტილერიო დარტყმით. ბოლო ერთ თვეში მესამე შემთხვევაა ამ მონაკვეთზე. სწორედ ასეთი ჩავარდნილი შეტევებისა და წარმატებული უკრაინული საარტილერიო იერისების გამო აქვთ რუსებს კატასტროფულ დანაკარგები. ცნობილია, რომ ამ ომში დაღუპულების 80%-ზე მეტი ტყვიით ანუ პირდაპირი ცეცხლით არაა მოკლული.

პ.ს. თუ წინა რამდენიმე დღე ინფორმაცია უფრო გამჭვირვალე გახდა, ბოლო 48 საათია სამხედრო ინფორმაციებმა უკრაინელთა მხრიდან ძალიან იკლო და ეს ალბათ სწორი სტრატეგიაა. ახლა მხოლოდ უკრაინელი და უცხოელი ჟურნალისტები ჩადიან სუჯაში და ნახულობენ ადგილზე მდგომარეობას, სადაც რუსული მოსახლეობა იმაზე უკეთაც კი ცხოვრობს, ვიდრე კრემლის დიქტატურის პირობებში. რუსული ტელევიზია რაც გაითიშა სხვა სურათი გამოჩნდაო, ამბობენ.

წყარო: გიორგი კობერიძე

общество

ქონების გადასახადის დეკლარაციის წარდგენის ბოლო ვადაა 1 ნოემბერი. რა უნდა ვიცოდეთ და რა უნდა გავითვალისწინოთ?

თუ თქვენი და თქვენი ოჯახის წლიური შემოსავალი ჯამურად 40 000 ლარს აღემატება და ამასთანავე, გაქვთ სახლი ან მიწა ან ავტომობილი, თქვენ ვალდებული ხართ ბიუჯეტში ქონების გადასახადი გადაიხადოთ.

დაინტერესებული ფიზიკური პირებს, რომელთაც ქონების გადასახადის დეკლარაციის წარდგენა უწევთ, შემდეგი პროცედურები უნდა იცოდნენ:

"1. დეკლარაციის წარდგენის ბოლო ვადაა 2025 წლის 1 ნოემბერი.

2. დეკლარაცია საგადასახადო ორგანოს წარედგინება მხოლოდ ელექტრონული ფორმით (ge), გადასახადის გადამხდელის ავტორიზებული მომხმარებლის გვერდიდან.

3. წელს, უნდა წარადგინოთ 2025 წლის წლიური დეკლარაცია, ამიტომ არ შეუცვალოთ დეკლარაციას პერიოდი პორტალზე.

4. წლევანდელ დეკლარაციაში აისახება:

ა) 2025 წლის 1 აპრილის მდგომარეობით საკუთრებაში არსებული მიწა, ასევე სახელმწიფოს/მუნიციპალიტეტის საკუთრებაში არსებული ის მიწა, რომლითაც სარგებლობთ ან რომელსაც ფლობთ ამავე თარიღის მდგომარეობით;

ბ) 2024 სრული/არასრული წლის განმავლობაში საკუთრებაში არსებული უძრავი ქონება (სახლი, ბინა, ავტოფარეხი, კომერციული ფართი), მსუბუქი ავტომობილები, იახტები (კატარღები), შვეულმფრენები, თვითმფრინავები.

5. თუ ქონება (გარდა მიწისა) 2024 წელს თქვენს საკუთრებაში იყო არასრული წლის განმავლობაში, მასზე ქონების გადასახადის გაანგარიშება ხდება 2024 წლის განმავლობაში ამ ქონების თქვენს საკუთრებაში არსებობის დროის პროპორციულად (თვეების რაოდენობას უთითებთ პორტალზე).