ბოლო 24 საათში უკრაინის მიმართულებით გრძელდებოდა ესკალაცია:
- მიმდინარეობდა ბრძოლები დონბასში მთელი ფრონტის ხაზის გასწვრივ;
- რუსეთი განაგრძობდა დამატებითი სამხედრო ძალების გადასროლას ოკუპირებული ყირიმის მიმართულებით, რათა საჭიროების შემთხვევაში აღმოსავლეთის გარდა სამხრეთიდანაც შეუტიოს უკრაინას;
- გაიმართა სატელეფონო საუბარი უკრაინისა და აშშ-ს თავდაცვის უწყებების ხელმძღვანელებს შორის. ამერიკულმა მხარემ გამოთქვა უკრაინის მხარდაჭერის მზადყოფნა (თუმცა, არ დაკონკრეტებულა, გულისხმობს თუ არა ეს მხარდაჭერა სამხედრო სახის დახმარების აღმოჩენას);
- დონბასელმა სეპარატისტებმა გამაოცხადეს ადგილობრივი მოსახლეობის მობილიზაცია;
- პარალელურად, კრემლმა უკრაინული მხარე დონბასში პროვოკაციების მოწყობაში დაადანაშაულა;
- კიევმა ნატოს უკრაინის საჰაერო სივრცის ერთობლივი პატრულირება შესთავაზა (ნატოს პასუხი ჯერჯერობით უცნობია);
- დღეს გაიმართება უკრაინისა და აშშ-ს პრეზიდენტების სატელეფონო საუბარი;
- თურქეთი განაგრძობდა უპილოტო საფრენი აპარატების უკრაინისთვის მიწოდებას.
ანკარა კიევს მნიშვნელოვან სამხედრო დახმარებას უწევს. ზოგადად, რადგან ორივე მხრიდან ამხელა სამხედრო ძალაა ერთ ადგილას თავმოყრილი, მათი დიდხანს ერთ ადგილზე დაკავება შეუძლებელი იქნება. ამიტომ, უახლოეს დღეებში უნდა ველოდოთ კვანძის გახსნას.
