,
გურამ დოჩანაშვილი 1939 წლის 26 მარტს თბილისში დაიბადა.
მწერლის მამა — პეტრე დოჩანაშვილი იყო ექიმი, ხოლო დედა — გულნარა ემხვარი – დიასახლისი. გურამ დოჩანაშვილი იზრდებოდა თბილისში, რუსთაველის გამზირზე, ზემელზე, სოლოლაკში და ვერაზე. მწერლის ბებია — მერი(ფაცა) კორძაია, პაპა — სილოვან ემხვარი (აკაკი წერეთლის დის შვილიშვილი) და ბებია — ოლღა გუსევა (მამის მხრიდან) არ აკლებდნენ მზრუნველობასა და სიყვარულს.
1957 წელს ანტისაბჭოთა საქმიანობისათვის 3-წლიანი პატიმრობა მიუსაჯეს, რაც მალე პირობითი სასჯელით შეუცვალეს. 1959 წელს შეუერთდა არალეგალური პატრიოტული ორგანიზაცია — „გორგასლიანს“.
1962 წელს დაამთავრა თსუ-ის ისტორიის ფაკულტეტი. უნივერსიტეტში სწავლისას გურამ დოჩანაშვილმა გაიცნო თავისი მომავალი მეუღლე, ნათელა სეფიაშვილი, რომელთანაც იქორწინა 1964 წელს.
მწერლის ცხოვრებაში განსაკუთრებული და მნიშვნელოვანი იყო 1966 წელი: 7 აპრილს დაიბადა მისი პირველი შვილი, ქეთო და გამოიცა პირველი წიგნი, „მთის გადაღმა“. 1968 წელს გურამ დოჩანაშვილი მწერალთა კავშირში მიიღეს, ამავე წლის 29 მაისს დაიბადა მისი უმცროსი ვაჟი, ირაკლი, რომელიც 1990 წელს ტრაგიკულად დაიღუპა. ეს მძიმე დღეები მას სასულიერო პირებმა და უახლოესმა მეგობრებმა გადაატანინეს, რამაც განსაკუთრებულად დააახლოვა უფალთან და ეკლესიასთან, უფალმა კი მალე ის გამოუგზავნა, ვინც მისი ცხოვრება კვლავ გააცოცხლა. „ბაბუა გიჟია, იმიტომ რომ ჩემზე გიჟდება“, — ამბობს მისი შვილიშვილი, თინათინ ჭკუასელი.
გურამ დოჩანაშვილის პირველი მოთხრობები დაიბეჭდა ჟურნალ „ცისკარში“ 1961 წელს. მწერალი არის ლიტერატურული პრემია – “საბას” ლაურეატი ნომინაციაში – “ლიტერატურის განვითარებაში შეტანილი განსაკუთრებული წვლილისთვის.”
ირანმა არაბთა გაერთიანებულ საამიროებსა და სპარსეთის ყურის სხვა ქვეყნებში დღეს ახალი თავდასხმები განახორციელა, - ინფორმაციას Reuters-ი ავრცელებს.
აშშ-ის პრეზიდენტის დონალდ ტრამპის განცხადებით, ასეთი მოსალოდნელი არ იყო, თუმცა Reuters-ის წყაროების ცნობით, ის ამ თავდასხმების შესახებ კონფლიქტამდე გააფრთხილეს.
დღეს დილით ბაღდადში აშშ-ის საელჩოს რაკეტებით და სულ მცირე ხუთი დრონით შეუტიეს. ირანმა ასევე მიზანში ამოიღო არაბთა გაერთიანებული საამიროები, სადაც თავდასხმების შედეგად საჰაერო სივრცე დროებით დაიხურა. ამასთან, გუშინ და დღეს დრონებით თავდასხმა განხორციელდა ნავთობის ობიექტზე ფუჯაირაში, რომელიც არაბთა გაერთიანებული საამიროების ნავთობის ექსპორტის საკვანძო პორტია. არაბთა გაერთიანებული საამიროების ხელისუფლებამ განაცხადა, რომ მოგერიებული ბალისტიკური რაკეტის ნამსხვრევები აბუ-დაბის ბანი იასის რაიონში ჩამოცვივდა, რის შედეგადაც პაკისტანის ერთი მოქალაქე დაიღუპა, აბუ-დაბის შაჰის გაზის საბადოზე დრონით თავდასხმის შედეგად კი ხანძარი გაჩნდა.
დონალდ ტრამპმა განაცხადა, რომ ირანის მიერ მისი მეზობლების, მათ შორის კატარის, საუდის არაბეთის, არაბთა გაერთიანებული საამიროების, ბაჰრეინისა და ქუვეითის წინააღმდეგ განხორციელებული დარტყმები მოულოდნელი იყო.
„ისინი (ირანი) არ უნდა დასხმოდნენ თავს ახლო აღმოსავლეთის ყველა ამ ქვეყანას. ამას არავინ ელოდა. შოკირებულები ვიყავით. არავინ, არავინ არ ელოდა. უდიდესი ექსპერტებიც კი არ ფიქრობდნენ ამას“, - აღნიშნა ტრამპმა.
თუმცა, Reuters-ი წერს, რომ აშშ-ის ოფიციალური პირის და აშშ-ის დაზვერვის ანგარიშების შესახებ ინფორმირებული ორი წყაროს ცნობით, ტრამპი გააფრთხილეს, რომ ირანზე თავდასხმას, შესაძლოა, აშშ-ის სპარსეთის ყურის მოკავშირეებზე დარტყმები გამოეწვია.
გამოცემის წყაროების ცნობით, რომლებმაც ანონიმურობის დაცვა მოთხოვეს, ტრამპს ომამდე აცნობეს, რომ ირანზე თავდასხმას, შესაძლოა, უფრო ფართო რეგიონული კონფლიქტი გამოეწვია, მათ შორის ირანის თავდასხმები სპარსეთის ყურის ქვეყნების დედაქალაქებზე, განსაკუთრებით იმ შემთხვევაში, თუ თეირანი დაინახავდა, რომ ეს ქვეყნები მხარს დაუჭერდნენ აშშ-ის მხრიდან განხორციელებულ დაბომბვას.
Reuters-ის წყაროების ცნობით, ტრამპს ოპერაციის დაწყებამდე ასევე აცნობეს, რომ თეირანი, სავარაუდოდ, ეკონომიკურად სასიცოცხლოდ მნიშვნელოვანი ჰორმუზის სრუტის დახურვასაც შეეცდებოდა.
