USD
EUR
RUB
თბილისი
ტვ “იმედი” ზარალზეა - ტელევიზიამ 2019 წელს 51 მილიონი ლარი იზარალა
თარიღი : 09.14.2021 09:20  575

საქართველოს სატელევიზიო ბაზრის უმსხვილესმა მოთამაშემ - “იმედმა” ბუღალტრული აღრიცხვის, ანგარიშებისა და აუდიტის ზედამხედველობის სამსახურს 2019 წლის ფინანსური ანგარიშგება წარუდგინა, რაც ამ უკანასკნელმა კანონმდებლობის შესაბამისად reportal.ge-ზე საჯაროდ გამოაქვეყნა.

დოკუმენტის თანახმად, 2019 წელს “ტელეიმედს” 28.74 მილიონი ლარის შემოსავალი, 2018 წელს კი 29.99 მილიონი ლარის შემოსავალი ჰქონდა, თუმცა ეს შემოსავალი არ იყო საკმარისი, რათა ტელევიზიას მისი საოპერაციო და ფინანსური ხარჯები დაეფარა - რის გამოც 2019 წელს კომპანიამ 51.23 მილიონი ლარით, 2018 წელს კი 34.38 მილიონი ლარით იზარალა.

ფინანსური ანგარიშის თანახმად, 2019 წელს “ტელეიმედის” მთავარი ხარჯები იყო:

შრომის ანაზღაურება - 24 მილიონი ლარი;
ცვეთა და ამორტიზაცია - 8.4 მილიონი ლარი;
სხვა საოპერაციო ხარჯები - 23 მილიონი ლარი;
ფინანსური ხარჯები - 13 მილიონი ლარი;
მარაგების ხარჯები - 2.25 მილიონი ლარი;
წმინდა ზარალი სავალუტო ოპერაციებზე - 9.16 მილიონი ლარი.

ფინანსური ანგარიშის მიხედვით, ტელევიზიის აქტივები 31.1 მილიონ ლარს, მისი ვალდებულებები კი 180 მილიონ ლარს შეადგენს, ამასთან ტელევიზიას აქვს დაგროვილი 221.5 მილიონი ლარის ოდენობის ზარალი.

2018 წლის აპრილში ცნობილი გახდა, რომ ტელეკომპანია “იმედის” მფლობელი კომპანია “ჯორჯიან მედია ფროდაქშენ გრუპი” ბიზნესმენ ირაკლი რუხაძის მიერ დაფუძნებულმა საინვესტიციო ჰოლდინგმა “Media Finance Group B.V”-იმ შეიძინა. თუმცა, ამის მიუხედავად, ტელევიზიის მფლობელად სამ წელზე მეტი ხნის განმავლობაში კვლავ ინა გუდავაძე რჩებოდა. 2021 წლის აგვისტოში კი პატარკაციშვილების ოჯახმა გამოაქვეყნა განცხადება, რომლის მიხედვითაც ირაკლი რუხაძის მიერ დაფუძნებული კომპანია “ჯორჯიან მედია ფროდაქშენ გრუპის” ოფიციალური მფლობელი გახდა.

თავის მხრივ, “ჯორჯიან მედია ფროდაქშენ გრუფს” “ტელეიმედთან” ერთად GDS-ისა და “რადიო იმედის” 100%-იანი წილიც ეკუთვნის, შესაბამისად, აღნიშნული მაუწყებლების მფლობელიც ამჟამად ირაკლი რუხაძის ბიზნეს ჯგუფია.

ფინანსური ანგარიშგების თანახმად, ტელეკომპანია “იმედის” დაფინანსების მნიშვნელოვანი წყარო ტელევიზიის მიერ მოზიდული სესხებია. დოკუმენტის მიხედვით, 2019 წლის განმავლობაში ტელევიზიის ვალდებულებების მოცულობა 141.5 მილიონი ლარიდან 179.4 მილიონ ლარამდე გაიზარდა. ამასთან, ტელევიზიას ყველაზე დიდი მოცულობის - 92 მილიონი ლარის ვალდებულება - Media Finance Group B.V-სადმი ჰქონდა, რომლის მიერ გაცემული სესხიც აშშ დოლარში არის ნომინირებული, წლიური საპროცენტო განაკვეთი კი 10%-ს შეადგენს.

“2019 წლის 31 დეკემბრის მდგომარეობით კომპანიას აქვს დაგროვილი ზარალი 221,506,254 ლარის ოდენობით და 2019 წლის 31 დეკემბრით დასრულებული წლისათვის ჰქონდა 51,231,929 ლარის ოდენობის ზარალი. ამასთან ერთად 2019 წლის 31 დეკემბრის მდგომარეობით კომპანიის მიმდინარე ვალდებულებები აღემატება კომპანიის მიმდინარე აქტივებს 173,133,335 ლარით. ამ მოვლენებსა და გარემოებებს შეუძლია ეჭვქვეშ დააყენოს კომპანიის უნარი, ოპერირება გააგრძელოს როგორც ფუნქციონირებადმა საწარმომ.

კომპანიის მენეჯმენტი დარწმუნებულია, რომ თანდართული ფინანსური ანგარიშგების მომზადება ფუნქციონირებადი საწარმოს პრინციპით მართებულია შემდეგი მიზეზების გამო:

• მენეჯმენტი დარწმუნებულია, რომ მომავალში კომპანია შეძლებს საკმარისი დაფინანსების მიღებას, რაც გადაჭრის ლიკვიდობის დეფიციტის პრობლემას და უზრუნველყოფს ოპერაციების დასაფინანსებლად საკმარისი თანხების არსებობას.”- ნათქვამია “ტელეიმედის” 2019 წლის აუდიტირებულ ფინანსურ ანგარიშგებაში.

გამოქვეყნებული ფინანსური ანგარიში მხოლოდ 2019 და 2018 წლების მაჩვენებლებს ასახავს, შესაბამისად უცნობია როგორი საოპერაციო შედეგები ჰქონდა არხს 2020 წელს. თუმცა, კომუნიკაციების კომისიისთვის წარდგენილ ანგარიშში მითითებულია, რომ 2020 წელს არხს 29.2 მილიონი ლარის შემოსავალი ჰქონდა, 2021 წლის პირველ ნახევარში კი მისი შემოსავალი 12.3 მილიონი ლარი იყო.

"ტელეიმედი" ქართულ სატელევიზიო ბაზარზე ერთადერთი ზარალიანი ტელევიზია არაა, კონსოლიდირებული ფინანსური ანგარიშის თანახმად, 2019 წელს "რუსთავი 2"-ის ზარალი 25.35 მილიონი ლარი, 2018 წელს კი 13.86 მილიონი ლარი იყო. 

სხვა
ინდოეთის ტყის კაცი ჯადავ პაიენგი, ვინც 550 ჰექტარ უნაყოფო მიწაზე მარტომ გააშენა ტყის მასივი

ოთხი ათწლეულის წინ, 16 წლის ჯადავ „მოლაი“ პაიენგმა მდინარე ბრაჰმაპუტრაზე მდებარე, მსოფლიოში უდიდეს კუნძულ მაჯულისზე უამრავი გვალვის გამო დახოცილი გველი ნახა.  მაშინ, ჯერაც ბავშვს, დააინტერესა, ერთ დღეს ადამიანებსაც იგივე ბედი ხომ არ ელოდათ.

ნანახმა იმდენად შეძრა, რომ საკუთარ სახლთან ახლოს მან ნერგების დარგვა დაიწყო. ამ საქმეს მან თავისი სიცოცხლის 40 წელზე მეტი მიუძღვნა; ტყის კაცმა, დაახლოებით 550 ჰექტარ ტერიტორიაზე, სრულიად მარტომ დარგო ხეები.

ჯადავ პაიენგმა თავი დაანება სწავლას, რათა მთელი დრო და ენერგია ტყეების განაშენიანებისთვის დაეთმო. კამეჩებით მოვაჭრის ოჯახში დაბადებული ჯადავი წარმოშობით ინდოეთის ჩრდილო-აღმოსავლეთით მდებარე რეგიონში, ასამში მცხოვრები თემიდანაა.

მან მდინარე ბრაჰმაპუტრას მშრალ, ქვიშიან სანაპიროზე დაიწყო მცენარეების თესლების და ნერგების დარგვა. ადგილობრივები ურჩევდნენ, რომ ისეთი ხის ჯიშები დაერგო, რომლებიც მკაცრ კლიმატურ პირობებს გაუძლებდნენ. თავიდან ჯადავმა 25 ნერგითა და მცირე ოდენობით თესლებით დაიწყო.

ჯადავის ამბავი პირველად 2010 წელს გახდა ცნობილი, როდესაც ჯითუ კალიტამ, ველური ბუნების ფოტოგრაფმა და დამოუკიდებელმა ჟურნალისტმა მისი საქმიანობის შესახებ დაწერა. ამ ფაქტს მალევე საერთაშორისო აღიარება მოჰყვა და მსოფლიოს მრავალი ქვეყნიდან ხალხმა მისი ტყის მოსანახულებლად ჩამოსვლა დაიწყო, სადაც 120-ზე მეტი ფრინველის სახეობა ბინადრობს, მათ შორის მრავალი გადამფრენი ჩიტიც.

ამ ადამიანის ხელით გაშენებულ ტყეში კაზირანგას ტყის ნაკრძალიდან ხშირად ისეთი დიდი ცხოველებიც გადმოდიან, როგორიცაა ვეფხვები და სპილოები. ტყის კაცის თქმით, სპილოების დიდი ჯოგი აქ ყოველწლიურად 3 თვეს ატარებს.

პაიენგი ხეების ნერგების დარგვას ტროპიკული წვიმების დადგომამდე 3 თვით ადრე იწყებს, რომელიც, როგორც წესი ყოველწლიურად, ივნისში იღებს სტარტს. წლის დანარჩენ დროს იგი ტყიდან თესლების შეგროვებას უთმობს.  მისი თქმით, ბრაკონიერები კვლავ რჩებიან მისი ტყის მთავარ საფრთხედ, თუმცა ადგილობრივი სატყეო დეპარტამენტი მას ტყის დაცვაში ეხმარება. ჯადავი ამბობს, რომ აუცილებელია, მომავალ თაობებს ვასწავლოთ ტყის მასივების შემცირებით გამოწვეული საფრთხეების შესახებ. მათ უნდა უყვარდეთ ბუნება. მისი თქმით, ტყეს უკვე შეუძლია საკუთარი თავის მოვლა, თუკი მას ადამიანები არ შეეხებიან.

ტყის მცველს თავისი გამორჩეული წვლილისთვის მიღებული აქვს ინდოეთის ერთ-ერთი უმაღლესი სამოქალაქო ჯილდო, პადმა შრი. მის საყვარელ ტყეს მის პატივსაცემად „მოლაი“ უწოდეს. ამ ადამიანის ისტორია შეტანილია ეკოლოგიურ სასკოლო პროგრამებში, მათ შორის, აშშ-შიც. იგი მიწვეულია მექსიკაში, რათა დაეხმაროს არასამთავრობო ორგანიზაციას Fundacion Azteca, რომლის მიზანია ქვეყანაში 7 მილიონი ხის დარგვა. ის თავის მდიდარ გამოცდილებას მექსიკელებს გაუზიარებს.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.