რუსული მედია აფხაზეთში რუსეთის და თურქეთის ქმედებებს განიხილავს. უცვლელად მოგვყავს ერთ-ერთი პროსახელისუფლებო ტელეგრამ არხის მოსაზრება ამ თემაზე:

"რას აკეთებს რუსეთი აფხაზეთში? უზრუნველყოფს ეკონომიკას ტურისტებით, უხდის ხელფასებს ბიუჯეტარებს და სოციალურ დახმარებებს პენსიონერებს. აშენებს სკოლებს, საბავშვო ბაღებს. აღადგენს გზებს. ჩუქნის სასკოლო წიგნებს მოსწავლეებს.

რას აკეთებს თურქეთი აფხაზეთში? ხსნის სავაჭრო ობიექტებს. იძენს აფხაზურ ხის მასალას. იჭერს ხამსას. ხსნის თურქული ენის სასწავლო ცენტრებებს, ნადირობს ნიჭიერ ახალგაზრდებზე, ასლამებს მათ და უკან აბრუნებს.

ამასობაში ვინ არის "კოლონიზატორი"? თურქეთი? არა, რუსეთი. და ეს იმიტომ, რომ თურქები 20 მილიონი დოლარის ღირებულების "თურქეთის სახლის" გახსნის ნაცვლად, ხარჯავენ 100 ათას დოლარს რამდენიმე ათეული გავლენიანი ტელეგრამ-არხის მფლობელის მოსასყიდად.

შედეგად, თურქეთისადმი ცხელი სიყვარული ხდება მინი-სტრიმი, რომელიც პირდაპირ არაფრისგან შენდება. რუსეთისა და თურქეთის წვლილი აფხაზეთის განვითარებაში შეუდარებელია. ეს ყველა ისტორიულ პერიოდს ეხება.

მიუხედავად ამისა, ჩვენ კვლავ ვაკეთებთ ფსონს ადამიანებზე და არა სისტემებზე. დღეს ბევრი ჩვენი ფუნქციონერს გულწრფელად სჯერა, რომ ბადრა გუნბას გაპრეზიდენტებით რუსეთთან ყველა პრობლემა გადაწყდება. მაგრამ ეს ილუზიაა.

ჩვენი ურთიერთობების პრობლემები არ დასრულდება მაშინაც კი, როცა აფხაზეთის პრეზიდენტი საერთოდ რუსი ჩინოვნიკი-ტექნოკრატი გახდება. პრობლემა არ არის იმაში, ვინ იქნება ქვეყნის სათავეში, არამედ იმაში, ექნება თუ არა მას ის ინსტრუმენტები, რომლებიც საზოგადოებრივი აღქმის შეცვლას შეძლებენ რუსეთისადმი მოკავშირეობასთან დაკავშირებით.

სანამ ასეთი ადამიანები და სისტემები არ იარსებებს, ყოველ ჯერზე ვიხილავთ ახალ "აფხაზურ მაიდანს" და ერთნაირი ადამიანების გაუთავებელ წრებრუნვას."

წყარო:https://t.me/