ასობით მიგრანტი, რომელთა უმეტესობაც სირიიდან არიან, თურქეთისა და ევროკავშირის საზღვართან იმყოფება. მიგრანტების უმეტესობას ქალები და ბავშვები შეადგენენ.

Euronews-ის ინფორმაციით, მიგრანტებს გადაწყვეტილი აქვთ თურქეთი დატოვონ და ევროკავშირის ქვეყნებში- საბერძნეთსა და ბულგარეთში შეაღწიონ.

არსებული საფრთხის გამო საბერძნეთმა თურქეთის საზღვარზე უსაფრთხოების დამატებითი ძალები განათავსა. ბულგარეთის პრემიერ-მინისტრის ბოიკო ბორისოვის განცხადებით, ბულგარეთის შეიარაღებული ძალები, ეროვნული არმია და პოლიცია ქვეყნის საზღვრის დასაცავად ყველაფერს გააკეთებს.

შეგახსენებთ, თურქეთის მთავრობის გადაწყვეტილებით, იდლიბში ვითარების დაძაბვის შემდეგ, ანკარა სირიელ ლტოლვილებს ევროპისკენ გადაადგილების საშუალებას მისცემს. დღესდღეობით თურქეთში 3.6 მილიონზე მეტი მიგრანტი იმყოფება