,
ე.წ. "რუსული კანონის" მიღება "ქართული ოცნების" და ბიძინა ივანიშვილის ყველაზე დიდი მიღწევაა 2012 წლის 1 ოქტომბრის მერე - ამის შესახებ კულტურის მინისტრმა თეა წულუკიანმა "იმედისთვის" სპეციალურად მიცემულ ინტერვიუში განაცხადა.
მინისტრი ამბობს, რომ კანონი გააძლიერებს "ქართულ ოცნებას" და დაასუსტებს ოპოზიციას.
"სახელმწიფო სუვერენიტეტის გაძლიერების გზაზე, ეს უმნიშვნელოვანესი ნაბიჯია. ეს მოახერხა და შეძლო "ქართულმა ოცნებამ" ბიძინა ივანიშვილის ხელმძღვანელობით. მე ვიტყოდი, რომ 2012 წლის 1 ოქტომბრის შემდეგ ეს არის ბიძინა ივანიშვილის და ქართული ოცნების საუკეთესო შედეგი, რომელიც გულისხმობს პოლიტიკურად და სახელმწიფოებრივად ქვეყნის გაძლიერებას და პოლიტიკურად ქართული ოცნების გაძლიერებას და ექსტრემისტული ოპოზიციის ბოლომდე რღვევას. ეკლიანია გზა, სუვერენიტეტისკენ მიმავალი, როცა ცხოვრობ დერეფანში და როცა ბევრი დიდი საშუალო თუ მცირე ქვეყნის ინტერესი არსებობს შენს მიმართ, რომ დასუსტდე", - თქვა წულუკიანმა.
მინისტრის თქმით, პრეზიდენტი ყველა ბერკეტს გამოიყენებს, პროცესის გაჭიანურებისთვის, რათა არ დაწყნარდეს არც ქუჩა და არც ქვეყანა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
