USD 2.6978
EUR 2.9112
RUB 2.9177
Тбилиси
წლის ყველაზე გავლენიანი ადამიანების ასეული, ჟურნალ Time-ს მიხედვით
дата:  483

ჟურნალ Time-მა წლის ყველაზე გავლენიანი ადამიანების ასეული გამოავლინა. გამოცემამ სიაში მოხვედრილი პირები 6 კატეგორიად დაყო: ტიტანებინოვატორებიხელოვნების მოღვაწეებილიდერებიპიონერები და კერპები.

„პიონერთა“ კატეგორიაში ერთ-ერთ ყველაზე გავლენიან ადამიანად ბილი აილიში დასახელდა. აღნიშნულ კატეგორიაში ასევე მოხვდნენ ჯორჯ ფლოიდის ოჯახის ადვოკატი ბენ კრამპი, ამერიკელი ტანმოვარჯიშე სუნისა ლი და ევროკომისიის ვიცე-პრეზიდენტი ფრანს ტიმერმანსი.

„ტიტანების“ კატეგორიაში გამოცემამ ამერიკელი ტანმოვარჯიშე, მსოფლიოს 19-გზის და 4-გზის ოლიმპიური ჩემპიონი სიმონა ბაილზი გამოყო. მასთან ერთად აღნიშნულ კატეგორიაში კორპორაცია Apple-ის ხელმძღვანელი ტიმ კუკი და სამხრეთკორეელი მსახიობი იუნ იო ჯონი მოხვდნენ.

„კერპების“ კატეგორიაში ჟურნალ Time-მა პრინცი ჰარი და მისი მეუღლე მეგან მარკლი საქველმოქმედო საქმიანობის გამო გამოყო. გარდა ამისა, აღნიშნულ კატეგორიაში ჩოგბურთელი ნაომი ოსაკა, რუსი ოპოზიციონერი ალექსეი ნავალნი და მომღერალი ბრიტნი სპირსი მოხვდნენ.

„ნოვატორების“ კატეგორიაში ერთ-ერთ ყველაზე გავლენიან ადამიანად ამერიკული კომპანია Nvidia-ს აღმასრულებელი დირექტორი ჯენსენ ჰუანგი დასახელდა. აღნინულ კატეგორიაში ასევე მოხვდნენ ილონ მასკი, ბიოქიმიკოსი კატალინ კარიკო, აფრიკის დაავადებათა კონტროლისა და პრევენციის ცენტრის დირექტორი ჯონ ნკენგასონგი და კრიპტოვალუტა Ethereum-ის შემქმნელი ვიტალიკ ბუტერინი.

„ლიდერების“ კატეგორიაში მოხვდნენ მსოფლიო სავაჭრო ორგანიზაციის დირექტორი ნგოზი ოკონჯო-ივეალა, აშშ-ის პრეზიდენტი ჯო ბაიდენი, აშშ-ის ყოფილი პრეზიდენტი დონალდ ტრამპი, ჩინეთის ლიდერი სი ძინპინი, რადიკალური მოძრაობა „თალიბანის“ პლიტიკური ფრთის ლიდერი აბდულ ღანი ბარადარი და ა.შ.

„ხელოვნების მოღვაწეების“ კატეგორიაში ჟურნალ Time-მა გამოყო მსახიობი კეიტ უინსლეტი, რეჟისორი ქლოა ჩჟაო, მწერალი ნორა ჯემისინი, რეპერი Lil Nas X-ი და ა.შ.

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати