,
სკანდალურ სტატიის ავტორი, რომელსაც CNN აქვეყნებს, ჟურნალისტი კარლ ბერნშტეინია, რომელიც 1972 წელს „უოტერგეიტის სკანდალს“ აქტიურად აშუქებდა. სწორედ ამ სკანდალის გამო გახდა პრეზიდენტი რიჩარდ ნიქსონი იძულებული, პოსტი დაეტოვებინა.
სტატიაში ნათქვამია, რომ კოლეგებთან საუბრის დროს, დონალდ ტრამპი ხშირად მომზადებული არ იყო და წყობიდან გამოსული მათ ლანძღავდა, განსაკუთრებული აგრესიულობით კი ქალების მიმართ გამოირჩეოდა. მაგალითისთვის, ბრიტანეთის ყოფილ პრემიერს, ტერეზა მეის მან „სუსტი და გაუბედავი“, გერმანიის კანცლერს, ანგელა მერკელს კი „სულელი“ უწოდა.
„ზოგიერთი რამ, რაც მან ანგელა მერკელს უთხრა, გაოცებას იწვევს. მაგალითად, ტრამპმა გერმანიის კანცლერს სულელი უწოდა და პირდაპირ განუცხადა, რომ რუსებს ის ჯიბეში უზით“, - ნათქვამია სტატიაში.
CNN-ის წყაროები იმაზეც საუბრობენ, რომ ტრამპი ცინიკური დამოკიდებულებით გამოირჩეოდა საფრანგეთის პრეზიდენტის, ემანუელ მაკრონის, კანადის პრემიერ-მინისტრის, ჯასტინ ტრიუდოსა და ავსტრალიის პრემიერ-მინისტრის, სკოტ მორისონის მიმართაც, საუდის არაბეთის მემკვიდრე პრინცსა და ჩრდილოეთ კორეის ლიდერს კი სატელეფონო საუბრებისას მუდმივად თავისი მიღწევებითა და გენიალურობით ეტრაბახებოდა. რაც შეეხება თურქეთისა და რუსეთის პრეზიდენტებს, მათთან საუბრისას ტრამპი განუწყვეტლად საუბრობდა მისი წინამორბედების, ბარაქ ობამასა და უმცროსი ბუშის წარუმატებლობებზე.
წყარო:https://edition.cnn.com/
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
