,
აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რომლის თანახმადაც ქვეყანაში ბიტკოინის სტრატეგიული რეზერვები შეიქმნება. ინფორმაციას თეთრი სახლი ავრცელებს.
ბრძანების თანახმად, ფონდის შევსება სისხლის სამართლის საქმეების გამოძიების ფარგლებში ან სამოქალაქო დავების განხილვის შედეგად ამოღებული ბიტკოინების ხარჯზე მოხდება.
როგორც შემდეგ თეთრი სახლის მრჩეველმა ხელოვნური ინტელექტისა და კრიპტოვალუტის საკითხებში, დევიდ საქსმა სოციალურ ქსელ X-ში დაწერა, დღესდღეობით აშშ-ის მთავრობა დაახლოებით 200 ათას ბიტკოინს ფლობს, თუმცა კრიპტოვალუტის რეალური აუდიტი არ ჩატარებულა.
მისი ინფორმაციით, ხაზინისა და ვაჭრობის მდივნებს დაევალათ შეიმუშაონ ბიტკოინების დამატებითი მოცულობის შესყიდვის სტრატეგია. საქსის თქმით, მთავარი წინაპირობა არის ის, რომ ბიტკოინების შეძენა არ უნდა აისახოს გადასახადების გადამხდელთა ხარჯებზე.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
