,
აშშ-ის პრეზიდენტმა, დონალდ ტრამპმა თურქეთის ლიდერთან, რეჯეფ თაიფ ერდოღანთან შეხვედრისას განაცხადა, რომ ვლადიმირ პუტინი უნდა გაჩერდეს.
მისივე თქმით, რუსეთმა მილიონობით დოლარი დახარჯა ბომბებსა და რაკეტებზე, მაგრამ უკრაინის ტერიტორიაზე ფაქტობრივად ვერ მიაღწია წინსვლას.
ტრამპმა ერდოღანზე საუბრისას ხაზი გაუსვა სურვილს, რომ თურქეთმა შეწყვიტოს რუსეთისგან ნავთობის ყიდვა, ვიდრე რუსები „უკრაინის წინააღმდეგ თავიანთ უგუნურ შეტევას განაგრძობენ“.
მან ასევე მიუთითა თურქეთის შესაძლებლობაზე, გავლენა მოახდინოს უკრაინაში მიმდინარე მოვლენებზე.
„ყველა პატივს სცემს ერდოღანს და მეც პატივს ვცემ მას. მას შეუძლია დიდი გავლენა მოახდინოს უკრაინაში ომის მიმდინარეობაზე, თუკი მოისურვებს, თუმცა ამჯობინებს ნეიტრალიტეტის შენარჩუნებას“, - განაცხადა ტრამპმა და დასძინა, რომ თურქეთის პრეზიდენტი უზარმაზარი პატივისცემით სარგებლობს მთელ მსოფლიოში, მათ შორის უკრაინასა და რუსეთში.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
