,
ეგვიპტის საკურორტო ქალაქ შარმ ელ-შეიხში, აშშ-ის პრეზიდენტმა, დონალდ ტრამპმა პირველმა მოაწერა ხელი ღაზის სამშვიდობო გეგმას.
ხელმოწერის ცერემონიის დროს, ტრამპმა განაცხადა:
„ამას 3,000 წელი დასჭირდა, გჯერათ? და ის [შეთანხმება] გაძლებს!“
ტრამპის შემდეგ, გეგმას ხელი მოაწერეს ეგვიპტის ლიდერმა, აბდელ ფათაჰ ალ-სისიმ და თურქეთის პრეზიდენტმა, რეჯეფ თაიფ ერდოღანმა.
დონალდ ტრამპმა ხაზი გაუსვა შეთანხმების მნიშვნელობას და მას „მსოფლიოსთვის დაუჯერებელი დღე“ უწოდა.
მისი თქმით, ეს შეთანხმება იმდენად მასშტაბურია, რომ ის მესამე მსოფლიო ომის თავიდან აცილებას შეუწყობს ხელს, რომლის დაწყების საფრთხეც, ტრამპის აზრით, სწორედ ახლო აღმოსავლეთში არსებობდა.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
