,
10 თვეში საქართველოდან თხილის ექსპორტი შემცირდა. საქსტატის ოფიციალური მონაცემებით, მიმდინარე წელს ქვეყანამ თხილისა და სხვა კაკლის რეალიზებით, გასული წლის ამავე პერიოდთან შედარებით 16.3%-ით ნაკლები 75.3 მლნ დოლარის შემოსავალი მიიღო.
შესაბამისად, ქვეყნის უმსხვილეს საექსპორტო საქონელში თხილმა 1.7%-იანი წილით მეათე ადგილი დაიკავა და სხვადასხვა ქვეყანაში 17 577 ტონა თხილი გაიყიდა.
ამ პერიოდის განმავლობაში, თხილისა და სხვა კაკლის მთავარ საექსპორტო ბაზარს ევროკავშირის ქვეყნები წარმოადგენს.
1. იტალია - 20 მლნ დოლარი, 5 407 ტონა;
2. გერმანია - 17.1 მლნ დოლარი, 3 444 ტონა;
3. სომხეთი - 6.9 მლნ დოლარი, 1 769 ტონა;
4. ესპანეთი - 4.7 მლნ დოლარი, 899 ტონა;
5. რუსეთი - 3 მლნ დოლარი, 707 ტონა;
6. ლიეტუვა - 2.9 მლნ დოლარი, 556 ტონა;
7. საფრანგეთი - 2.4 მლნ დოლარი, 453 ტონა;
8. პოლონეთი - 2.3 მლნ დოლარი, 475 ტონა;
9. საუდის არაბეთი - 2.1 მლნ დოლარი, 375 ტონა;
10. ჩეხეთი - 2 მლნ დოლარი, 422 ტონა.
რაც შეეხება იმას თუ საიდან ყიდულობს და რა მოცულობით საქართველო თხილს, სტატისტიკის მიხედვით, იანვარ-ოქტომბერში ქვეყანამ 10.5 მლნ დოლარის 3 388 ტონა თხილი და კაკალი შეიძინა, რაც გასული წლის ამავე პერიოდის მაჩვენებელს ღირებულებით 5.7%-ით აღემატება.
აღსანიშნია, რომ ამ ხნის განმავლობაში თხილი და სხვა კაკალი ძირითადად აშშ-დან შემოვიდა. საიმპორტო ქვეყნების TOP-5-ეული კი ასეთია:
1. აშშ - 3.4 მლნ დოლარი, 1 297 ტონა;
2. თურქეთი - 2 მლნ დოლარი, 670 ტონა;
3. უკრაინა - 979 ათასი დოლარი, 318 ტონა;
4. ყირგიზეთი - 685 ათასი დოლარი, 228 ტონა;
5. ჩინეთი - 554 ათასი დოლარი, 130 ტონა.
