,
"თბილისში 2024 წელს 29 სავაჭრო ობიექტზე გაიცა სამშენებლო ნებართვა, რაც ნიშნავს, რომ მომავალი 3-4 წლის განმავლობაში, სავარაუდოდ, თბილისის ბაზარზე კომერციული ფართების მიწოდება გაიზრდება“, - ამის შესახებ თიბისი კაპიტალის მიერ მომზადებულ კომერციული უძრავი ქონების 2024 წლის მიმოხილვაშია აღნიშნული.
რაც შეეხება ფასებს, თიბისი კაპიტალის თანახმად, 2024 წელს საშუალო იჯარა თბილისის ცენტრალურ ქუჩაზე მდებარე სავაჭრო ობიექტებში ყველაზე მაღალი იყო და კვ.მ-ზე 31 დოლარს შეადგენდა. მეორე ადგილზე კი ბათუმი იყო - კვ.მ-ზე 25.5 დოლარით.
„თბილისში ყველაზე მაღალი საშუალო იჯარა რუსთაველის (კვ.მ - $33.3) და ჭავჭავაძის (კვ.მ - $33.2) გამზირებზეა.
ბათუმში, გორგილაძის ქუჩა ლიდერობს, სადაც საშუალო იჯარა კვ.მ-ზე $29.4-ს შეადგენს.
ქუთაისში კომერციულ ფართებზე ყველაზე ძვირი იჯარა ქალაქის ცენტრშია - კვ.მ-ზე $21.7.
ზუგდიდში ყველაზე მაღალი საშუალო იჯარა კვ.მ-ზე ზვიად გამსახურდიას გამზირზეა ($23.5).
თელავში ყველაზე მაღალი იჯარა კვ.მ-ზე სააკაძის გამზირზე ფიქსირდება - $22.5“, - წერია თიბისი კაპიტალის მიმოხილვაში.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
