,
ქვეყანაში შექმნილი ვითარების შედეგად დაზარალებული მოქალაქეებისა და ბიზნესების მხარდასაჭერად, საქართველოს ორი ყველაზე დიდი ფინანსური ინსტიტუტი - თიბისი და საქართველოს ბანკი გაერთიანდა და ერთობლივად 5 000 000 ლარს გამოყოფენ.
ერთობლივად გავრცელებული განცხადების მიხედვით, ფინანსური რესურსი მიმართული იქნება მცირე და საშუალო ბიზნესების მხარდასაჭერად. ასევე, ფონდებში, რომლებიც აქციების მიმდინარეობისას, დაზარალებულ მოქალაქეებს იურიდიულ, ფინანსურ თუ ჯანმრთელობასთან დაკავშირებულ მხარდაჭერას უწევენ.
თიბისი და My Market მცირე მეწარმეების მხარდასაჭერად ერთიანდებიან, რომლის ფარგლებშიც იმ მეწარმეებისთვის, რომლებიც არსებული ვითარების გამო გაუქმებული საშობაო მარკეტებში ვერ ახერხებენ მონაწილეობის მიღებას, Mymarket-ზე ონლაინ მარკეტი მოეწყობა. საშობაო ონლაინ მარკეტზე მეწარმეები Mymarket-ს პლატფორმაზე საკომისიოს გარეშე ჩაერთვებიან. მომხმარებლები კი, ვინც Mymarket-ზე შეიძენენ პროდუქციას, თიბისს ბარათებზე დამატებით ქეშბექს მიიღებენ.
თიბისი და გლოვო იმ მეწარმეებისა და კვების ობიექტების მხარდასაჭერად ერთიანდებიან, რომლებმაც ქვეყანაში შექმნილი სიტუაციის გამო დაკარგეს ან შეუმცირდათ შემოსავლის წყარო. ვინც Glovo-დან ამ ობიექტების პროდუქციას შეიძენს, თიბისის ბარათებზე დამატებით ფასდაკლებას მიიღებს.
თეატრებმა და კულტურის სფეროს წარმომადგენლებმა, გაუქმებული სპექტაკლებისა და ღონისძიებების მიუხედავად, რომ შეძლონ საქმიანობის გაგრძელება, თიბისი ბანკის და tkt.ge-ის საერთო ინიციატივის ფარგლებში, დეკემბრის თვის განმავლობაში დაგეგმილი და გაუქმებული ღონისძიებების ბილეთების საფასური, ჩაირიცხება ფონდში თეატრებისა და მათი მსახიობების მხარდასაჭერად.
Პლატფორმაზე შესაძლებელი იქნება კონკრეტული სასტუმროების ნომრების ვაუჩერის სიმბოლურ ფასად შეძენა. ვაუჩერის ღირებულებისა და ნომრის საბაზრო ღირებულების შორის სხვაობას თიბისის და Swoop.ge-ის ამ საერთო ინიციატივის ფარგლებში ანაზღაურდება.
საქართველოს ბანკი და extra.ge მცირე ბიზნესების მხარდასაჭერად ერთიანდებიან, რომლის ფარგლებშიც იმ მეწარმეებისთვის, რომლებიც არსებული ვითარების გამო გაუქმებულ საშობაო მარკეტებზე მონაწილეობის მიღებას ვერ ახერხებენ, extra.ge-ზე ონლაინ მარკეტი მოეწყობა. საშობაო ონლაინ მარკეტზე მეწარმეები extra.ge-ს პლატფორმაზე საკომისიოს გარეშე ჩაერთვებიან. ასევე ისინი საკომისიოს გარეშე ისარგებლებენ მიწოდების სერვისითაც. მომხმარებლები კი, ვინც ექსტრაზე ამ მეწარმეების პროდუქციას შეიძენენ, 10- ჯერ მეტ PLUS ქულას მიიღებენ, რაც ბანკის მხრიდან დაფინანსდება. შეთავაზება ძალაში იქნება 15 იანვრის ჩათვლით.
მცირე მეწარმეების მხარდაჭერის ფარგლებში საქართველოს ბანკი ბიზნესებს ბანკის Ads manager-იდან (შეთავაზებების მართვის ციფრული პლატფორმიდან) შეთავაზებების გაკეთებას უფასოდ სთავაზობს. ის მომხმარებლები კი, რომლებიც ამ შეთავაზებით ისარგებლებენ, საქართველოს ბანკისგან 50-ჯერ მეტ PLUS ქულას მიიღებენ, რაც ბანკის მხრიდან იანვრის ბოლომდე დაფინანსდება.
იმისთვის რომ გაუქმებული სპექტაკლებისა და ღონისძიებების მიუხედავად თეატრებმა და კულტურის სფეროს წარმომადგენლებმა შეძლონ გააგრძელონ საქმიანობა, საქართველოს ბანკი Biletebi.ge-ს ინიციატივას უერთდება. რაც ნიშნავს იმას, რომ მომხმარებლის მიერ, გაუქმებული ღონისძიებების ბილეთების 1 იანვრამდე შეძენის შემთხვევაში გაყიდვიდან შემოსულ თანხას საქართველოს ბანკი გააორმაგებს.
მცირე მეწარმეები მხარდაჭერის ფარგლებში საქართველოს ბანკი კიდევ ერთ ინიციატივას ახორციელებს და ბიზნესებს მომხმარებლებისთვის სასაჩუქრე ბარათების შექმნას Ads manager-იდან, საკომისიოს გარეშე სთავაზობს. მომხმარებლებს ექნებათ შესაძლებლობა, წინასწარ შეიძინონ სასაჩუქრე ბარათი და ამით მხარი დაუჭირონ მეწარმეებს. ისინი შეძენილი სასაჩუქრე ბარათის გამოყენებას მათთვის სასურველ დროს შეძლებენ.
იმ ქართველი მეწარმეებისა და კვების ობიექტების მხარდასაჭერად, რომლებიც საშობაო მარკეტზე მონაწილეობას არ იღებენ, საქართველოს ბანკი და WOLT ერთიანდებიან. რაც იმას ნიშნავს რომ, ის მომხმარებელი ვინც Wolt-დან ამ ობიექტების სერვისს და პროდუქციას საქართველოს ბანკის ბარათით შეიძენს, დამატებით ქეშბექს მიიღებს.
თანხის მეორე ნაწილი - 2.5 მლნ ლარი კი, შემდეგ ფონდებში გადანაწილდება:
დეტალური ინფორმაციისთვის ეწვიეთ ამ ერთობლივი ინიციატივისთვის სპეციალურად შექმნილ ვებ-გვერდს: 5,000,000 ლარი დაზარალებულების მხარდასაჭერად
დღეს, გავრცელდა კონკურენტების კიდევ ერთი განცხადებაც, პროდუქტების და საკვების მიტანის ბაზრის ორი გლობალური ლიდერი, Glovo და Wolt საქართველოში მიმდინარე პოლიტიკურ კრიზისთან დაკავშირებით ერთობლივ განცხადებას ავრცელებენ. ევროპული კომპანიები საქართველოს ისტორიულ პროევროპულ არჩევანს აღიარებენ და დაზარალებულ მშვიდობიან დემონსტრანტებს სოლიდარობას უცხადებენ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
