ტექნიკური უნივერსიტეტის მიმდებარედ არსებულ სკვერში გამწვანების აქცია მოეწყო
საქართველოს ტექნიკური უნივერსიტეტის მე-3 და მე-4 სასწავლო კორპუსებს შორის არსებულ სკვერში სტუდენტების, უნივერსიტეტის ხელმძღვანელობისა და საბურთალოს რაიონის გამგეობის ჩართულობით, გამწვანების აქცია ჩატარდა.
აღნიშნულ სკვერში ამბრისა (ნეკერჩხლის) და სოფორას ხეები დაირგო.
გამწვანების აქციის მონაწილეებმა, საბურთალოს რაიონის გამგებელმა და სტუ-ს რექტორმა, ხელი მოაწერეს სამახსოვრო დაფას, რაც კიდევ ერთხელ ადასტურებს მომავალში ერთობლივი ღონისძიებების განხორციელებას.
