,
ჯანდაცვის მსოფლიო ორგანიზაციის ხელმძღვანელი ტედროს ადანომ გებრეისუსი აცხადებს, რომ „დიდი შვიდეულის“ ქვეყნების მიერ დაპირებული ვაქცინების 1 მილიარდი დოზა არასაკმარისია.
„ეს დიდი დახმარებაა, მაგრამ ჩვენ უფრო მეტი და უფრო სწრაფად გვჭირდება. ახლა ვირუსი უფრო სწრაფად ვრცელდება, ვიდრე ვაქცინების გლობალური განაწილება მიმდინარეობს. ყოველ დღე 10 000-ზე მეტი ადამიანი იღუპება. ამ ადამიანებს ვაქცინა ესაჭიროებათ და ესაჭიროებათ ახლა, და არა შემდეგ წელს,“- განაცხადა ჯანმო-ს ხელმძღვანელმა.
მისი თქმით, ჯანდაცვის მსოფლიო ორგანიზაციას სურს, „დიდი შვიდეულის“ მომავალი წლის სამიტამდე მსოფლიო მოსახლეობის 70%-ი იყოს აცრილი.
„ამის განსახორციელებლად ჩვენ 11 მილიარდი დოზა გვჭირდება. „დიდ შვიდეულსა“ და „დიდ ოცეულს“ შეუძლიათ ეს შესაძლებელი გახადონ,“- განაცხადა ჯანმოს-ს ხელმძღვანელმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
