თბილისის მერია, სახელმწიფო უწყებებს შორის ერთ-ერთი ყველაზე მსხვილი შემსყიდველია. ამ უწყების მიერ განხორციელებული ცალკეული შესყიდვები საზოგადოების ყურადღების ცენტრში არაერთხელ მოქცეულა. სწორედ ამიტომ „თბილისი პოსტმა“ გადაწყვიტა დედაქალაქის მერიის შესყიდვების უფრო დეტალურად შესწავლა და ჩვენი მკითხველისთვის ინფორმაციის მიწოდება, მაღალი საზოგადოებრივი ინტერესის მქონე ტენდერების, მათი მიმდინარეობის და შესრულების შესახებ.

ორშაბათიდან, ჩვენ ყოველკვირეულად მოგაწვდით ინფორმაციას კვირის განმავლობაში გამოცხადებული საყურადღებო და მნიშვნელოვან ტენდერებზე, ხოლო თვეში ერთხელ გვექნება ერთგვარი შეჯამება ჩატარებული ტენდერების, გამარჯვებული კომპანიების და სამუშაოების მიმდინარეობის შესახებ.

ზოგადი ინფორმაცია 2017 წლის 21 აპრილიდან დღემდის სულ თბილისის მერიის მიერ გამოქვეყნებულია  - 6288 ტენდერი.

აქედან 66.2 % შემდგარი, 21.7 % არშემდგარი, 12.1 % მიმდინარე

შემდგარი ტენდერების საერთო სავარაუდო ღირებულება : 1,767,731,783 ლარი

შემდგარი ტენდერების საერთო ფაქტობრივი ღირებულება : 1,547,577,282.46 ლარი

დანაზოგი: 12.45 %

მონაწილეთა საშუალო რაოდენობა შემდგარ ტენდერებში 2.41

ტენდერის საშუალო ხანგრძლივობა :  16.93 დღე

ჩატარებულია 3789 გამარტივებული შესყიდვა , რომელთა საერთო ღირებულებაა   406,468,639.25 ლარი

ჩატარებულია 236 კონსოლიდირებული შესყიდვა  საერთო ღირებულებით 34,488,817.29 ლარი