,
თბილისში, მდინარე მტკვარზე ახალი ჰიდროელექტროსადგური შენდება. პროექტის სახელწოდებაა “დიღომი ჰესი” და ის თბილისი მოლის მიმდებარედ, დიღმის ჭალებში მდებარეობს. პროექტს ახორციელებს კომპანია “დიღომი ჰესი” და მისი საინვესტიციო მოცულობა 23 მილიონი დოლარია.
ჰიდროელექტროსადგურის დადგმული სიმძლავრე 11.26 მეგავატ საათი იქნება და ის თავისი ტიპით საკმაოდ ახლოს იქნება თბილისში მდებარე ორთაჭალჰესთან, რომელიც ასევე დედაქალაქის ტერიტორიაზე არსებული კალაპოტურ კაშხლური ჰესია. კაშხლის სიმაღლე 10 მეტრი იქნება და კაშხლის წინ მდინარის კალაპოტში დაახლოებით 1 კილომეტრის სიგრძეზე წყლის შეგუბებას გამოიწვევს. შესაბამისად, ეს მოიცავს ტერიტორიას ზაჰესის ხიდიდან ახალ კაშხლამდე.
არსებული მდგომარეობით ჰიდროელექტროსადგური მშენებლობის აქტიურ ფაზაში იმყოფება.მდინარე მტკვარზე უკვე მოწყობილია ხელოვნური ბარიერი, რომელშიც ჰიდროელექტროსადგურის ერთი ნახევარი მოექცევა.
პროექტის ინვესტორი შპს “დიღომი ჰესი” 2019 წლის აპრილში დაფუძნდა, მისი აქციონერები არიან ბიზნესმენი ტარიელ გიორგაძე (35%); შპს ჟი ემ ჯი (30%) და შპს ელექტრონი (35%). თავის მხრივ, კომპანია ჯი ემ ჯის დამფუძნებელი და მფლობელია ბიზნესმენი გრიგოლ ნატროშვილი, ხოლო კომპანია “ელექტრონის” 20%-20%-20%-20% და 20%-იან წილებს ფლობენ კობა გოგატიშვილი, მალხაზ გოგატიშვილი, საქართველო რუსეთის ორმაგი მოქალაქე დავით კენჭაძე და საქართველო რუსეთის ორმაგი მოქალაქე ხვიჩა ფორჩხიძე.
დიღომი ჰესის გარემოზე ზემოქმედების ანგარიში და საინჟინრო პროექტი და თანდართული დოკუმენტაცია შეგიძლიათ იხილოთ გარემოს დაცვისა და სოფლის მეურნეობის სამინისტროს ვებგვერდზე.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
