,
თბილისის ვიცე-მერი ირაკლი ხმალაძე „მთავარ არხს“ სასამართლოში უჩივის. ამის შესახებ ხმალაძე Facebook-ზე წერს.
„მთავარი არხი“ - სასამართლოში შევხვდებით. ანონსის გასვლის შემდეგ, რომელშიც მტკიცებითი ფორმით აცხადებდით, თითქოს, სუს-მა ირაკლი ხმალაძე დააკავა, გაგაფრთხილეთ, რომ აბსოლუტურ ტყუილს ავრცელებდით. ამის მიუხედავად, გამოგონილი სიუჟეტი ეთერში მაინც გაუშვით და საზოგადოებას ორჯერ აყურებინეთ 18 და 19 ნოემბერს.
კიდევ ერთხელ დამარწმუნეთ - თქვენთვის „მთავარი“ სისულელეების გავრცელება და მაყურებლების შეფუთული ტყუილებით მომარაგებაა, თუმცა, ამჯერად არ გაგიმართლათ. შეეხეთ ისეთ თემას, რომელზეც უტყუარი მტკიცებულებების მოპოვება შესაძლებელია და ამის გაკეთება, სურვილის შემთხვევაში, თქვენც შეგეძლოთ.
ცხადია, აღნიშნული მტკიცებულებები მოვიპოვე. ვაქვეყნებ ოფიციალურ დოკუმენტებს იმის შესახებ, რომ ჩემს მიმართ არასდროს მიმდინარეობდა და ახლაც არ მიმდინარეობს სისხლისსამართლებრივი დევნა, ასევე, არ გატარებულა არანაირი საგამოძიებო მოქმედება.
სარჩელი შეტანილია სასამართლოში - ჩემი სიმართლე და მტკიცებულებები, თქვენი „სახედაბლარული“, ხმაშეცვლილი „წყაროს“ წინააღმდეგ... დანარჩენი იქ გავაგრძელოთ.
სასამართლოში გაირკვევა, როგორი „წყარო“ გყავთ, საერთოდ გყავთ, თუ თავად ხართ თქვენივე ტყუილების „მთავარი წყარო“.
აქვე იხილეთ თანდართული მტკიცებულებები“, - წერს ხმალაძე Facebook-ზე.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
