,
თბილისის საკრებულოში საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ მოქმედი პროგრამების პრეზენტაცია გაიმართა. ღონისძიება თბილისის მუნიციპალიტეტის გენდერული თანასწორობის საბჭოს წევრის, ნინო რუხაძის ინიციატივით მოეწყო.
შეხვედრა, რომელსაც საკრებულოსთან არსებული ეთნიკური უმცირესობების საკოორდინაციო საბჭოს წევრები და ეთნიკური უმცირესობების წარმომადგენლები ესწრებოდნენ, თბილისის საკრებულოს თავმჯდომარის მოადგილემ, დედაქალაქის მუნიციპალიტეტის გენდერული თანასწორობის საბჭოს თავმჯდომარემ, თინათინ ნიბლოშვილმა გახსნა.
საკრებულოს თავმჯდომარის მოადგილე შეხვედრის მონაწილეებს მიესალმა და სააგენტოს საქმიანობის მნიშვნელობაზე ისაუბრა.
პრეზენტაციაზე სიტყვით გამოსვლისას თბილისის მუნიციპალიტეტის გენდერული თანასწორობის საბჭოს წევრმა ნინო რუხაძემ განაცხადა, რომ სააგენტოში მოქმედი პროგრამების მიზანი ეკონომიკური საქმიანობის განვითარებაში საქართველოს მოქალაქეების მხარდაჭერაა.
„ვფიქრობ, ეკონომიკური განვითარება ჩვენი ქვეყნის წინაშე მდგარი ერთ-ერთი მნიშვნელოვანი გამოწვევაა და ეთნიკური უმცირესობების წარმომადგენლებში ვხედავ იმ პოტენციალს, რომელმაც ჩვენი ქვეყნის ეკონომიკური დოვლათი უნდა შექმნას. ქვეყნის გაძლიერებით თითოეული ჩვენი მოქალაქის კეთილდღეობა ამაღლდება, ხოლო ეთნიკური უმცირესობების წარმომადგენლებს ქვეყნის ეკონომიკური განვითარების საქმეში მნიშვნელოვანი წვლილის შეტანა შეუძლიათ“, - განაცხადა ნინო რუხაძემ.
პრეზენტაციაზე სააგენტოს „აწარმოე საქართველოში“ მიკრო და მცირე მეწარმეობის განვითარების დეპარტამენტის უფროსმა ანი უგულავამ სააგენტოში მოქმედი პროგრამები წარადგინა და განსაკუთრებული ყურადღება მიკროგრანტების პროგრამაზე გაამახვილა, რომლის მიზანიც სახელმწიფოს მხარდაჭერით საკუთარი ბიზნესის დაწყება-განვითარებაში მიკრო და მცირე მეწარმეების დახმარებაა.
პრეზენტაციაზე ანი უგულავამ დამსწრეებს პროგრამების პრიორიტეტულ მიმართულებებზე, პირობებსა და პროგრამებში გენდერული ბალანსის დაცვაზე დეტალური ინფორმაცია მიაწოდა. პრეზენტაციის შემდეგ შეხვედრა კითხვა-პასუხის რეჟიმში გაგრძელდა.
ღონისძიებას საკრებულოსთან არსებული ეთნიკური უმცირესობების საკოორდინაციო საბჭოს თავმჯდომარე რიტა ხიდირბეგიშვილი, საბჭოს წევრები და ეთნიკური უმცირესობების წარმომადგენლები ესწრებოდნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
