USD 2.7433
EUR 2.8862
RUB 2.7214
Tbilisi
თბილისის საკრებულოში რაგბის შვიდქალა ეროვნული ნაკრებისთვის მიღება გაიმართა
Date:  272

თბილისის საკრებულოს თავმჯდომარის მოადგილის, თბილისის მუნიციპალიტეტის გენდერული თანასწორობის საბჭოს თავმჯდომარის, თინათინ ნიბლოშვილის, ინიციატივით, თბილისის საკრებულოში რაგბის შვიდქალა ეროვნული ნაკრების წევრებისთვის მიღება გაიმართა. ინფორმაციას თბილისის საკრებულო ავრცელებს.

ქართველ სპორტსმენებს თბილისის საკრებულოს თავმჯდომარე გიორგი ტყემალაძე, საკრებულოს თავმჯდომარის მოადგილე, თბილისის მუნიციპალიტეტის გენდერული თანასწორობის საბჭოს თავმჯდომარე თინათინ ნიბლოშვილი, საკრებულოს სპორტისა და ახალგაზრდულ საქმეთა კომისიის თავმჯდომარე გურამ ოქროპირიძე და საკრებულოს წევრები შეხვდნენ.

საკრებულოში გამართულ შეხვედრაში საქართველოს რაგბის კავშირის აღმასრულებელი დირექტორი თორნიკე გოგებაშვილი, საქართველოს რაგბის კავშირის გამგეობის თავმჯდომარე, საქართველოს პარლამენტის წევრი დავით კაჭარავა, რაგბის შვიდქალა ნაკრების მთავარი მწვრთნელი ჯაბა მალაღურაძე, მწვრთნელები და საქართველოს რაგბის ეროვნული ნაკრების ლეგენდარული კაპიტანი მამუკა გორგოძე მონაწილეობდნენ.

წელს შვიდქალა რაგბის წევრებმა ელიტის საგზური მოიპოვეს. ევროპის ჩემპიონატი შედგება 3 დივიზიონისაგან. დიდი ხნის განმავლობაში ქართველი სპორტსმენები თამაშობდნენ ტროფის (მეორე) დივიზიონში და წელს პირველად ისტორიაში ტროფის დივიზიონის საპრიზო მეორე ადგილის დაკავება შეძლეს, რითაც მოიპოვეს უმაღლეს, ელიტარულ, დივიზიონში ასპარეზობის უფლება. ნაკრების მოთამაშე მანონი საღარაძე 2024 წელს ევროპის 12 გუნდის მოთამაშეთა შორის საუკეთესო მორაგბე ქალად დასახელდა.

თბილისის საკრებულოში გამართული ღონისძიება მუნიციპალიტეტის გენდერული თანასწორობის საბჭოს თავმჯდომარემ, თინათინ ნიბლოშვილმა გახსნა.

თბილისის საკრებულოს თავმჯდომარემ გიორგი ტყემალაძემ შვიდქალა რაგბის ნაკრებს ისტორიული გამარჯვება მიულოცა.

„დღეს საქართველოს რაგბის შვიდქალა ნაკრებს ვმასპინძლობთ. ჩვენმა გოგონებმა დიდ წარმატებას მიაღწიეს და ევროპის ჩემპიონატის მეორე დივიზიონიდან უმაღლეს, ელიტარულ, დივიზიონში გადაინაცვლეს. განსაკუთრებით სასიხარულოა ის ფაქტი, რომ ჩვენი ნაკრების მოთამაშემ, მანონი საღარაძემ, საუკეთესო მორაგბე ქალის წოდება მოიპოვა. ვულოცავ ჩვენს მორაგბე გოგონებს წარმატებას, ვუსურვებ მათ სპორტულ იღბალს და ბევრ გამარჯვებას“, - განაცხადა გიორგი ტყემალაძემ.

თბილისის მუნიციპალიტეტის გენდერული თანასწორობის საბჭოს თავმჯდომარის, თინათინ ნიბლოშვილის განცხადებით, სპორტსმენი ქალების თითოეული გამარჯვება დიდი სტიმულია ყველა ქალისთვის.

„სპორტი - ეს არის ყველაზე მძლავრი ინსტრუმენტი, რომელსაც პოზიტიური გავლენა აქვს ადამიანებზე და ხელს უწყობს ჯანსაღი საზოგადოების ჩამოყალიბებას. სპორტის განვითარებაში თითოეული ჩვენგანის წვლილი ძალიან მნიშვნელოვანია. ჩვენ ვნახეთ რამხელა ძალა აქვს მხარდაჭერას, გულშემატკივარს, მადლიერებას. სწორედ ეს არის ჩვენი დღევანდელი შეკრების მთავარი მიზანიც, მადლობა გადავუხადოთ ძალიან მაგარ ქალებს, რომლებმაც, მოიპოვეს ელიტის საგზური, ელიტურ დივიზიონში ასპარეზობის უფლება; ძალიან მნიშვნელოვანია ასევე, რომ ნებისმიერი თქვენი გამარჯვება, ჩვენთვის, ქალებისთვის, არის ძალიან დიდი სტიმული, შეხსენება, რომ ჩვენ ყველაფერი შეგვიძლია“, - განაცხადა თინათინ ნიბლოშვილმა.

რაგბის შვიდქალა ეროვნული ნაკრების კაპიტანმა თეონა ჩიტაიშვილმა თბილისის საკრებულოს წარმომადგენლებს მასპინძლობისთვის და გულთბილი დახვედრისთვის მადლობა გადაუხადა. შეხვედრის ბოლოს სპორტსმენებმა და საკრებულოს წევრებმა სამახსოვრო ფოტოები გადაიღეს. საკრებულოს წევრებმა რაგბის შვიდქალა ნაკრების წევრებს სიმბოლური საჩუქრები გადასცეს.

რაგბის შვიდქალა ნაკრების გუნდი საქართველოში 2005 წლიდან არსებობს და 2008 წლიდან ასპარეზობს ევროპის ჩემპიონატზე", - აღნიშნულია ინფორმაციაში.

analytics
«Lauterbacher Anzeiger» (გერმანია): „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“

გერმანული გაზეთი „ლაუთერბახერ ანცეიგერი“ (Lauterbacher Anzeiger - იბეჭდება ჰესენის მხარეში) აქვეყნებს სტატიას სათაურით „საქართველო პუტინის ორბიტაზე გადადის: უშვებს თუ არა „შეცდომას“ ევროკავშირი?“ (ავტორი - ფლორიან ნაუმანი).

გთავაზობთ პუბლიკაციას შემოკლებით:

საქართველოში ჩატარებული არჩევნებიდან სამ კვირაზე მეტი გავიდა, მაგრამ ევროკავშირს ჯერ კიდევ არ აქვს გამოხატული მკაფიო პოზიცია და ამ ეტაპზე მხოლოდ განმარტებებს ითხოვს. ბრიუსელს ამისათვის საკმაო მიზეზები აქვ: არცევნებში რატომღაც მოულოდნელად გაიმარჯვა სულ უფრო ავტორიტარმა და პრორუსულად განწყობილმა პარტიამ „ქართულმა ოცნებამ“, რაც ბევრ კითხვას იწვევს. ოქტომბრის ბოლოდან ოპოზიცია არჩევნების დროს მომხდარი დარღვევების ფაქტებს აგროვებს, მაგრამ მნიშვნელოვანი კანონდარღვევების რაოდენობა, როგორც ჩანს, საკმარისი არ არის.

დებატები ევროპარლამენტში: საით მიდის საქართველო?

ამ კვირაში ევროპის პარლამენტში მიმდინარე დებატების დროს ორი მომენტი აშკარად გამოიკვეთა: პარლამენტართა ერთმა ნაწილმა ევროკავშირი ორმაგი პოლიტიკის გატარებაში  და არჩევნების შედეგების მხოლოდ პოლიტიკური ნიშნით შეფასებაში დაადანაშაულა, ხოლო მეორე ნაწილმა საქართველოს მთავრობის მიმართ უფრო ხისტი ზემოქმედება მოითხოვა. გადაწყვეტილება (ალბათ, სიმბოლური მნიშვნელობის მქონე) ჯერ მიღებული არ არის.

საბოლოო ჯამში, როგორც ჩანს, ამჟამად საკითხის აქტუალობა იმაშია, გადავა თუ არა  საქართველო რუსეთის ორბიტაზე და გახდება თუ არა მისი თანამგზავრი - მიუხედავად იმისა, რომ მოსახლეობას ევროპული ორიენტაცია აქვს. ასევე მნიშვნელოვანია დადგინდეს - იყო თუ არა არჩევნები დემოკრატიული და სამართლიანი.

გერმანიის „მწვანეთა“ პარტიის წარმომადგენელი სერგეი ლაგოდინსკი და ესტონელი სოციალ-დემოკრატი მარინა კალიურანდი ჯერ კიდევ არ არიან დარწმუნებულები იმაში, რომ საქართველოში არჩევნები გაყალბდა. ყოველ შემთხვევაში, ისინი დამადასტურებელ ფაქტებს ვერ ხედავენ. ორივე პოლიტიკოსი ევროპარლამენტის დელეგაციის - „ევრონესტის“ წევრები არიან, რომელთა მოვალებაშია ურთიერთობა და აზრთა გაცვლა-გამოცვლა ჰქონდეთ ისეთ ქვეყნებთან, როგორებიცაა საქართველო, მოლდოვა, უკრაინა და სომხეთი. სერგეი ლაგოდინსკი, თავის მხრივ, „ევრონესტის“ თავმჯდომარეა.

თბილისი მოსკოვსა და ბრიუსელს შორის

„საქართველო და მოლდოვა ჭადრაკის ფიგურები არ არიან, რომ ჩვენ ისინი დაფაზე გადავაადგილოთ. ისინი სახელმწიფოებს წარმოადგენენ და მათ თავიანთი მომავალი აქვთ“, - ამბობს სერგეი ლაგოდინსკი, რომელსაც მხედველობაში აქვს ორივე ქვეყანაში ჩატარებული არჩევნები. თუმცა იგი ყურადღება ასევე ამახვილებს სავარაუდო გაყალბებაზეც და აღნიშნავს, რომ არსებობს არგუმენტები განმეორებითი არჩევნების ჩასატარებლად.

 „პირადად ჩემთვის საკითხი ასე გამოიხატება: რა უნდა ვუქნათ იმ პარტიას, რომელიც ანტიკონსტიტუციურ პოლიტიკას ატარებს? საქართველოს ძირითად კანონში ჩაწერილია, რომ ქვეყნის მიზანს ევროკავშირთან ინტეგრაცია წარმოადგენს“, - აცხადებს სერგეი ლაგოდინსკი. მმართველი პარტია „ქართული ოცნება“ სიტყვით ოფიციალურად ადასტურებს, რომ მისი მიზანი 2030 წლისათვის ევროკავშირში გაწევრიანებაა, მაგრამ საქმით მთავრობამ უკვე დიდი ხნის გადაუხვია ევროკავშირისაკენ მიმავალი გზიდან, როცა პრორუსული კანონები მიიღო, ბრიუსელის გაფრთხილებისა და საპროტესტო აქციების მიუხედავად. „ვფიქრობ, მართლაც გონივრული იქნებოდა არჩევნების განმეორებით ჩატარება - უბრალოდ, საზოგადოება რომ სიმართლეში დარწმუნდეს“, - ამბობს სერგეი ლაგოდინსკი, - ნებისმიერ შემთხვევაში, თუ დამტკიცდება, რომ მანიპულაციები მართლაც მოხდა, ახალი არჩევნების ჩატარება აუცილებელია, თანაც საერთაშორისო კონტროლით“.

მარინა კალიურანდსაც ასეთივე თავალსაზრისი აქვს: „უნდა დაველოდოთ განმარტებებს [და სასამართლოს გადაწყვეტილებებს], სპეკულირება არ უნდა მოხდეს... მაგრამ თუ დამტკიცდება, რომ არჩევნები იმაზე უარესად ჩატარდა, როგორც ამას ეუთოს დამკვირვებლები აღწერენ, მაშინ ჩვენ მკაფიო რეაგირება უნდა მოვახდინოთ“. აღსანიშნავია, რომ ეუთოს მისიამ დაგმო ცალკეული დარღვევები, მიუთითა მთავრობისა და ოპოზიციის არათანაბარ პირობებზე, მაგრამ არჩევნებში მასშტაბური ფალსიფიცირება არ დაუფიქსირებია.

„ეუთოს მისიამ 2020 წლის არჩევნებიც დაახასიათა როგორც კონკურენტული და კარგად ორგანიზებული“, - ამბობს მარინა კალიურანდი, რომელიც ადრე ესტონეთის საგარეო საქმეთა მინისტრი იყო, მანამდე კი ესტონეთის ელჩი რუსეთში, - „თუმცა ასეთი დახასიათება დემოკრატიული ქვეყნისათვის საკმარისი არ არის. ჩვენ ყველას გვსურს, რომ არჩევნები გამჭვირვალე და პატიოსნად ჩატარდეს“. მისი თქმით, საქართველოსთვის კანდიდატის სტატუსის გაუქმება ლოგიკური იქნება, თუ ქვეყანა თამაშის წესებს არ დაიცავს.

განხეთქილება ევროპარლამენტის მემარჯვენეთა ბანაკში

სერგეი ლაგოდინსკის თქმით, საქართველოს ახალგაზრდა იურისთა ასოციაცია თვლის, რომ არჩევნებში მრავალი დარღვევა მოხდა. „თუ გავითვალისწინებთ იმას, რომ ასოციაციის წევრები ობიექტურად აფქსირებდნენ დარღვევებს მიხეილ სააკაშვილის მმართველობის დროსაც, მაშინ მათი პოზიცია პოლიტიკურად მიუკერძოებლად  უნდა ჩაითვალოს. ეს სერიოზული არგუმენტია“, - ამბობს მწვანეთა პარტიის წარმომადგენელი.

დღემდე ევროკავშირს თავისი მტკიცე პოზიცია დაფიქსირებული არ აქვს. „ალბათ, ეს იმას უკავშირდება, რომ ჯერ-ჯერობით მოსმენები კომისიებში ისევ მიმდინარეობს... საბოლოო ჯამში გადაწყვეტილების მიღება ევროკავშირის წევრი ქვეყნების ნებაზეა დამოკიდებული. ამჟამად რაიმე კონფრონტაცია არ შეიმჩნევა“, - აცხადებს სერგეი ლაგოდინსკი.

ევროპარლამენტში 13 ნოემბერს დებატების დროს აზრდტა სხვადასხვაობა დაფიქსირდა აღმოსავლეთევროპელ მემარჯვენეთა შორის. უნგრელი პოლიტიკოსის ანდრაშ ლასლოს აზრით, საქართველოს მთავრობა ევროკავშირის კურსის ერთგულია და რომ არჩევნების შედეგები ევროკავშირმა უნდა აღიაროს. პოლონელმა მალგოჟატა ჰოსევსკამ ყოფილი მმართველი პარტიიდან „კანონი და სამართლიანობა“, პირიქით, განაცხადა, რომ „საქართველოს ხელისუფლებაში არის პიროვნება, რომელსაც [რუსეთთან] გაურკვეველი კავშირები აქვს“ (იგულისხმება ბიძინა ივანიშვილი). პოლონელმა დეპუტატმა ევროკავშირს მოუწოდა, რომ „საქართველოს მმართველი რეჟიმის ირგვლივ სანიტარული კორდონი უნდა შეიქმნას“.

წყარო: https://www.lauterbacher-anzeiger.de/politik/georgien-rueckt-in-putins-umlaufbahn-begehen-die-eu-einen-error-zr-93415845.html

 

See all
Survey
ვინ გაიმარჯვებს რუსეთ - უკრაინის ომში?
Vote
By the way