,
თბილისის საკრებულოს იურიდიულ საკითხთა და ადამიანის უფლებათა დაცვის კომისიის სხდომა გაიმართა. დღის წესრიგით წარმოდგენილი საკითხები კომისიის თავმჯდომარემ ლევან ჟორჟოლიანმა წარადგინა.
იურიდიულ საკითხთა და ადამიანის უფლებათა დაცვის კომისიის წევრებმა თბილისის 2020 წლის ბიუჯეტის შესრულების შესახებ წლიური ანგარიში მოისმინეს. საკითხი საფინანსო საქალაქო სამსახურის უფროსის მოადგილემ ლევან მიქავამ წარადგინა. მისი განცხადებით, ბიუჯეტის მთლიანი შემოსავლები შესრულდა 103,1 %-ით - 930 მლნ 239,6 ათასი ლარით, ხოლო გადასახდელები შესრულდა 96,3%-ით -1მლნ 080 555,4 ათასი ლარით. ლევან მიქავამ დეტალურად ისაუბრა სხვადასხვა მიმართულებით ბიუჯეტის შესრულების პარამეტრებზე.
კომისიის თავმჯდომარის ლევან ჟორჟოლიანის განცხადებით, პანდემიით გამოწვეული შეზღუდვებიდან გამომდინარე, დედაქალაქის 2020 წლის ბიუჯეტი მაქსიმალურად კარგი მაჩვენებლებით შესრულდა. მან ხაზი გაუსვა იმ პროგრამებს, რომლებიც შეზღუდვების მიუხედავად, მუნიციპალიტეტმა დააფინანსა.
კომისიის სხდომაზე სსიპ ტრანსპორტის და ურბანული განვითარების სააგენტოს უფროსის მოადგილემ ვასილ აბულაძემ საზოგადოებრივი ტრანსპორტის ინტეგრირებული მარშრუტების სისტემაზე გადასვლასთან დაკავშირებით, რამდენიმე დადგენილებაში ცვლილებები წარადგინა, რომლებიც ინტეგრირებული სისტემის სამართლებრივ ჩამოყალიბებას ეხება. ასევე, რამდენიმე ცვლილება შეეხება მარშრუტების საფასურის განსაზღვრას და უნივერსიტეტი-ბაგების საბაგირო გზის მუნიციპალიტეტის საკუთრებაში გადასვლას.
თბილისში, სხვადასხვა მისამართზე არსებული დაუმთავრებელი მშენებლობების დასრულების ფინანსური მხარდაჭერის მიზნით, ხელშემწყობი ღონისძიებების გამოყენების საკითხები საკრებულოს წევრებს კომისიის თავმჯდომარემ ლევან ჟორჟოლიანმა გააცნო. მისი ინფორმაციით, საკითხები შპს ,,ცენტრ პოინტი ჯგუფის“ რამდენიმე ობიექტის დაფინანსებას ეხება, რომელსაც შპს ,,ანაგი დეველოპმენტი 1“ და შპს ,,სოლუმ დეველოპმენტი“ განახორციელებენ.
აღნიშნული საკითხების გარდა, დღევანდელ სხდომაზე სსიპ ქონების მართვის სააგენტოს უფროსმა ირაკლი თავართქილაძემ თბილისის რამდენიმე რაიონში მდებარე უძრავი ქონების პირდაპირი განკარგვის ფორმით პრივატიზების საკითხები წარადგინა.
კომისიის წევრებმა წარმოდგენილ საკითხებს მხარი დაუჭირეს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
