,
ედაქალაქის მერის მოადგილის, ირაკლი ბენდელიანის განცხადებით, მაჭავარიანის ქუჩის მიმდებარედ, ფერდობზე არსებული მეწყრული პროცესების შესახებ, რამდენიმე სიახლეა:
„დაახლოებით ერთი თვეა, მაჭავარიანის ქუჩაზე მეწყრული პროცესები მიმდინარეობს. სიტუაცია მუდმივ მონიტორინგზე გვაქვს. რამდენიმე სიახლე გვაქვს: პირველი არის ის, რომ ვიდეომონიტორინგის შესაბამისად, დავაკვირდით უშუალოდ მაჭავარიანის ქუჩის ნაწილს და გვაქვს კარგი ინფორმაცია: უშუალოდ მაჭავარიანის ქუჩაზე, გადაადგილებები არ შეინიშნება. რაც შეეხება მეწყრულ პროცესებს, უკვე მივიღეთ პირველადი გადაწყვეტილება, რომ შემცირდეს მეწყრის ე.წ. ტანი. ასევე, მიმდინარეობს დროებითი მისასვლელი გზების მოწყობა. დღეს სპეციალური მონიტორინგის სისტემა უკვე დამონტაჟებულია. ასევე, მნიშვნელოვანია, რომ მიმდინარეობს ტერიიტორიის ზედა ნაწილის ცემენტიზაცია. ამის მიზანია, რომ შემცირდეს მეწყრის ზედაპირის გადაადგილება“ - აღნიშნა ირაკლი ბენდელიანმა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
