,
თბილისის მერის მოადგილემ ანდრია ბასილაიამ ფინეთის რესპუბლიკის დელეგაციას უმასპინძლა.
შეხვედრას სტუმრების მხრიდან ესწრებოდნენ ფინეთის პარლამენტის წევრი, საქართველო-ფინეთის საპარლამენტო მეგობრობის ჯგუფის ხელმძღვანელი მატიას მარტინენი, ჰელსინკის მერის მოადგილე დანიელ საზონოვი, ფინეთის რესპუბლიკის კლიმატისა და საბინაო სამინისტროს პოლიტიკური მრჩეველი ემა სტინა ვეჰმანენი, ფინეთის რესპუბლიკის სოციალური დაცვის მინისტრის პოლიტიკური მრჩეველი ემილ ნუტილა, ფინეთის რესპუბლიკის ეროვნული კოალიციური პარტიის მრჩეველი იოჰო კარკანენი და ჰელსინკის მუნიციპალური საბჭოს წევრი მატიას პაიულა.
შეხვედრას ასევე ესწრებოდა საქართველოს პალამენტის წევრი, საგარეო ურთიერთობათა კომიტეტის თავმჯდომარის პირველი მოადგილე, საქართველოსა და ფინეთის რესპუბლიკის საპარლამენტო მეგობრობის ჯგუფის ხელმძღვანელი მარიამ ლაშხი.
შეხვედრაზე მხარეებმა ისაუბრეს საქართველოსა და ფინეთის რესპუბლიკას შორის არსებულ ურთიერთობებსა და თანამშომლობის შემდგომი გაღრმავების პერსპექტივებზე. განსაკუთრებული ყურადღება გამახვილდა ფინეთის მხარდაჭერასა და მის როლზე საქართთველოს ევროკავშირთან დაახლოების პროცესში.
ფინეთის პარლამენტის წევრმა და საქართველოს-ფინეთის საპარლამენტო მეგობრობის ჯგუფის ხელმძღვანელმა მატიას მარტინენმა გამოთქვა პოლიტიკური და პრაქტიკული მზადყოფნა, დაეხმაროს საქართველოს კანდიდატის სტატუსის მიღების შემდეგ, ევროკავშირში გაწევრიანების შემდგომ ეტაპზე გადასვლის პროცესში.
ჰელსინკის მერის მოადგილემ დანიელ საზანოვმა ისაუბრა ქალაქ თბილისსა და ჰელსინკს შორის ურთიერთერთობის გაღრმავებაზე, კონკრეტული პროექტების განხორციელებისა და გამოცდილების გაზიარების შესაძლებლობებზე.
თავის მხრივ, თბილისის მერის მოადგილემ ანდრია ბასილაიმ ჰელსინკის მერის მოადგილე მოიწვია ადგილობრივი ეკონომიკური განვითარების საერთაშორისო ფორუმზე, რომელიც 2024 წლის 6-7 ივნისს საქართველოს დედაქალაქში გაიმართება.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
