თბილისის მერიამ, ცხოვრების ჯანსაღი წესის ხელშეწყობის მიზნით, ზაფხულის განმავლობაში ტრადიციული, ყოველწლიური საზაფხულო-ახალგაზრდული პროგრამები განახორციელა.
წელს სხვადასხვა აქტივობაში 6000-მდე ახალგაზრდამ მიიღო მონაწილეობა.
ახალგაზრდული საზაფხულო პროგრამები ითვალისწინებდა თბილისში მცხოვრები ბავშვებისთვის და ახალგაზრდებისათვის საგანმანათლებლო, კულტურული, სპორტული და რეკრეაციული აქტივობების შეთავაზებას.
ახალგაზრდებს შესაძლებლობა ჰქონდათ, ჩართულიყვნენ ისეთ სპორტულ აქტივობებში როგორიცაა ჩოგბურთი, პადელი, ბოულინგი, ჯომარდობა, აგრეთვე ლაშქრობები თბილისის გარშემო და საქართველოს დაცულ ტერიტორიებზე.
მნიშვნელოვანია, რომ წელს ტრადიციულ აქტივობებთან ერთად, განხორციელდა 20-მდე თემატური ახალგაზრდული ბანაკი, მათ შორის ხელოვნური ინტელექტის, რობოტიკის, კინო და თეატრალური ხელოვნების, ინგლისური ენის, ინტელექტუალური საკუთრების, ინფორმაციული ტექნოლოგიების და სხვა მიმართულებების ბანაკები.
ადგილობრივი ბანაკების გარდა, გაიმართა საერთაშორისო ბანაკები ფრანგი და შვედი ახალგაზრდების ჩართულობით.
აღნიშნული პროგრამებით სარგებლობა მოქალაქეებისთვის უფასოა. უზრუნველყოფილი იყო მონაწილეთა ტრანსპორტირება, კვება, ეკიპირება და კვალიფიციური ინსტრუქტორების მომსახურება.
2025 წლის საზაფხულო ახალგაზრდულ პროგრამებზე რეგისტრაცია დაიწყო 15 ივნისიდან ვებგვერდზე: www.youthtbilisi.ge
