,
სროლა აფხაზეთის თვითგამოცხადებული რესპუბლიკის პარლამენტის შენობაში მოხდა. მოკლეს დეპუტატი ვახტანგ გოლანძია, დაიჭრა ოპოზიციონერი კან კვარჩია.
ტელეგრამის არხი AMRA-life წერს, რომ პარლამენტში მაინინგის აკრძალვის კანონპროექტი განიხილებოდა.
„შეხვედრისას ადგურ ხარაზია და კან კვარჩია ერთმანეთს დაუპირისპირდნენ, რის შედეგადაც ადგურმა იარაღი ამოიღო და სროლა დაიწყო. გარდაცვლილი ვახტანგ გოლანძია მათ გაშველებას ცდილობდა“, - წერს გამოცემა.
ჯანდაცვის სამინისტროს პრესსამსახურის ცნობით, გოლანძია მიყენებული ჭრილობების შედეგად გარდაიცვალა.
შემთხვევის ადგილზე საგამოძიებო ჯგუფი მივიდა.
ეჭვმიტანილი ადგურ ხარაზია შემთხვევის ადგილიდან მიიმალა.
კან კვარჩია მკლავში დაიჭრა, იუწყება ტელეგრამის არხი „ეხო აფხაზეთი“.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
