სპორტის სამინისტრომ 1981 წლის თასების მფლობელთა თასზე თბილისის „დინამოს" ისტორიული გამარჯვების აღსანიშნავად ვეტერან ფეხბურთელებს ფულადი ჯილდოები გადასცა.
სპორტის სამინისტროს ინიციატივით 1981 წლის თასების მფლობელთა თასზე თბილისის „დინამოს“ ისტორიული გამარჯვების აღსანიშნავად საზეიმო ღონისძიება მოეწყო. სპორტის სამინისტროს გადაწყვეტილებით „დინამოს" ვეტერან ფეხბურთელებს ფულადი ჯილდოები გადაეცათ.
ღონისძიებას ქალაქ თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა, საქართველოს ოლიმპიური კომიტეტის პრეზიდენტი ლერი ხაბელოვი და სპორტული საზოგადოების წარმომადგენლები ესწრებოდნენ.
ისტორიული გამარჯვებიდან 44 წელი გავიდა, 1981 წლის 13 მაისს თბილისის „დინამომ“ დუსელდორფის „რეინშტადიონზე" UEFA-ს ევროპის თასების მფლობელთა თასის ფინალში „კარლ ცაისი“ ანგარიშით 2:1 დაამარცხა. „დინამოს“ შემადგენლობიდან გოლები ვლადიმერ გუცაევმა და ვიტალი დარასელიამ გაიტანეს.
„დინამოს“ მიერ თასების მფლობელთა თასის მოპოვებამ ქართულ ფეხბურთის განვითარებაზე დიდი გავლენა იქონია, ეს გამარჯვება დღემდე რჩება ქართული ფეხბურთის ერთ-ერთ ყველაზე მნიშვნელოვან მიღწევად.
