,
ხობის მუნიციპალიტეტ სოფელ თორსაში მდებარე ჩირის სოციალური საწარმო “ჩირიგე” წარმოების გაფართოებასა და მეტი ქალის დასაქმებას გეგმავს.
ამ დროისთვის საწარმოში აფხაზეთიდან იძულებით გადაადგილებული სამი ქალია დასაქმებული. ჩირიგე სეზონურად 3 ტონამდე ხურმის, ფორთოხლის, კივის, ქლიავის, ნესვის ჩირებს აწარმოებს და ადგილობრივ ბაზარზე ონლაინ და კერძო დამკვეთებთან ყიდის.
"ჩირიგეს" დამფუძნებელი გვანცა კიკალეიშვილია. ის bm.ge-სთან საუბარში აღნიშნავს, რომ საწარმოს სოციალური ხასიათი აქვს და მოგების თანხას სოციალური მისიების შესრულებას ახმარს(მაგალითად ურიცხავენ ადამიანებს, რომლებსაც დროის კონკრეტულ მომენტში კონკრეტული საჭიროება აქვთ). მისივე თქმით, საწარმო ნედლეულს ადგილობრივი ფერმერებისგან იბარებს, ასე კი მათ პროდუქტის რეალიზაციის საშუალებას აძლევს.
“ჩირიგე სოციალური მისიით დავაფუძნეთ. საწარმო ჩირი სხვადასხვა დიზაინის შეუთვებში იყიდება. პროდუქციის რეალიზაციას ონლაინ და კერძო შეკვეთების საშუალებით ვახდენთ. გაყიდვები განსაკუთრებით საახალწლო პერიოდში აქტიურდება, თუმცა ვფიქრობ, საჭიროა ჩირიგეს სოციალურ მისიაზე, რაც შეიძლება მეტმა ადამიანმა შეიტყოს, ეს პროდუქციის რეალიზაციას შეუწყობს ხელს.
ჩირიგეს სამომავლო გეგმები უპირველესად სურსათის უვნებლობის ფარგლებში სტანდარტების დანერგვას და სხვადასხვა ხარისხის სერტიფიკატების მოპოვებას უკავშირდება, მომხმარებელზე სასურველი პროდუქციის, შეფუთვების შექმნას, საწარმოს გაფართოებასა და ქალების დასაქმებას” - ამბობს გვანცა კიკალეიშვილი.
ინფორმაციისთვის, ჩირიგე 2018 წელს საზოგადოებრივი ორგანიზაციის საქართველოს სტრატეგიული კვლევებისა და განვითარების ცენტრის მხარდაჭერით დაფუძნდა. პროექტის ჯამურმა ღირებულებამ 30 000 ლარი შეადგინა, სადაც დონორის მიერ დაფინანსებული თანხა 24 000 ლარი, ხოლო დამფუძნებლის თანხა 6 000 ლარია.
წყარო:https://bm.ge/
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
